കൊച്ചി; എറണാകുളത്തെ കുസാറ്റ് ക്യാമ്പസ് അഞ്ചുദിവസത്തേക്ക് അടച്ചു. വിദ്യാർത്ഥികൾക്ക് എച്ച് വൺ എൻ വൺ രോഗലക്ഷണങ്ങൾ കണ്ടെത്തിയതിനെ തുടർന്നാണ് ക്യാമ്പസ് അടച്ചത്. നാളെ മുതൽ ഓൺലൈൻ ക്ലാസുകളായിരിക്കും ഉണ്ടാകുകയെന്ന് അധികൃതർ അറിയിച്ചു. ക്യാമ്പസിലെ ചില ഹോസ്റ്റലുകളിൽ രോഗബാധ കണ്ടതിനെ തുടർന്നാണ് നടപടി. കേരളത്തിന് പുറത്തുള്ളവർ ഒഴികെ മറ്റെല്ലാ വിദ്യാർത്ഥികളും ഹോസ്റ്റൽ മുറികൾ ഒഴിയാനും നിർദ്ദേശം നൽകിയിട്ടുണ്ട്.
