കന്യാസ്ത്രീകളെ ഉടൻ മോചിപ്പിക്കണം: മേജർ ആർച്ച് ബിഷപ്പ് റാഫേൽ തട്ടിൽ

Sat 02 Aug 2025 12:59 AM IST
bjp

കൊച്ചി: ഛത്തീസ്ഗഡിൽ ജയിലിലടയ്‌ക്കപ്പെട്ട കന്യാസ്ത്രീകളെ മോചിപ്പിക്കണമെന്നും നീതി ലഭ്യമാക്കാൻ അടിയന്തര നടപടികൾ സ്വീകരിക്കണമെന്നും സിറോമലബാർസഭാ മേജർ ആർച്ച് ബിഷപ്പ് റാഫേൽ തട്ടിൽ ആവശ്യപ്പെട്ടു. പ്രധാനമന്ത്രിയുടെ ദൂതനായി സഭാ ആസ്ഥാനമായ മൗണ്ട് സെന്റ് തോമസിലെത്തിയ ബി.ജെ.പി സംസ്ഥാന അദ്ധ്യക്ഷൻ രാജീവ് ചന്ദ്രശേഖറിനോടാണ് ആവശ്യം ഉന്നയിച്ചത്.

കന്യാസ്ത്രീകൾ അഭിമുഖീകരിക്കേണ്ടിവന്ന അക്രമസംഭവങ്ങളിൽ പൊതുസമൂഹം ആശങ്കാകുലരാണ്. രണ്ടു കോടതികളിൽനിന്ന് ജാമ്യം ലഭിക്കാത്തതിൽ സഭയുടെ ആശങ്കയും വേദനയും പ്രതിഷേധവും പ്രധാനമന്ത്രിയെ നേരിട്ട് അറിയിക്കണം. ക്രിയാത്മകമായ പ്രായോഗിക നടപടികൾ ഉടൻ സ്വീകരിക്കണം. ആൾക്കൂട്ട വിചാരണ നടത്തിയവരെ ശിക്ഷിക്കണമെന്നും അദ്ദേഹം ആവശ്യപ്പെട്ടു.

കേന്ദ്രസർക്കാരും ബി.ജെ.പിയും സ്വീകരിച്ച അനുകൂല നിലപാടുകളെക്കുറിച്ചും കന്യാസ്ത്രീകളെ ജയിൽ മോചിതരാക്കാനുള്ള നടപടികളെക്കുറിച്ചും രാജീവ് ചന്ദ്രശേഖർ മേജർ ആർച്ച് ബിഷപ്പിനെ ധരിപ്പിച്ചു. സംസ്ഥാന വൈസ് പ്രസിഡന്റ് ഷോൺ ജോർജും ഒപ്പമുണ്ടായിരുന്നു.

MORE NEWS
'കടകംപള്ളി സുരേന്ദ്രൻ മോശമായി പെരുമാറി', കേസെടുക്കണമെന്ന ആവശ്യവുമായി പരാതി
യാത്രക്കാരുമായി വന്ന കെഎസ്ആർടിസി ബസിൽ ആഞ്ഞിടിച്ച് കാട്ടാന, പരിഭ്രാന്തി സൃഷ്ടിച്ചത് അരമണിക്കൂറോളം
കണ്ണൂർ സെൻട്രൽ ജയിലിൽ നിന്ന് വീണ്ടും മൊബൈൽ ഫോൺ കണ്ടെത്തി; രണ്ടാഴ്‌ചയ്‌ക്കിടെ കിട്ടിയത് ഏഴ് ഫോണുകൾ
നാല് മാസം പ്രായമുള്ള കുഞ്ഞ് മുലപ്പാൽ തൊണ്ടയിൽ കുടുങ്ങി മരിച്ചു; പോഷകാഹാരക്കുറവുണ്ടായിരുന്നുവെന്ന് അമ്മ
JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.