തൃശൂർ: പുലികളി സംഘങ്ങൾക്ക് കേന്ദ്ര ധനസഹായം അനുവദിപ്പിച്ച് കേന്ദ്ര സഹമന്ത്രി സുരേഷ് ഗോപി. ടൂറിസം മന്ത്രാലയത്തിന്റെ ഡി.പി.പി.എച്ച് സ്‌കീമിൽ ഉൾപ്പെടുത്തി ഓരോ സംഘത്തിനും മൂന്ന് ലക്ഷം രൂപ വീതമാണ് അനുവദിച്ചതെന്ന് കേന്ദ്ര മന്ത്രി സുരേഷ് ഗോപി അറിയിച്ചു. ചരിത്രത്തിലാദ്യമായാണ് ഇത്തവണ പുലികളിക്ക് കേന്ദ്രത്തിൽനിന്ന് ധനസഹായം ലഭിക്കുന്നത്.
പുലികളി സംഘങ്ങൾക്ക് ഓണസമ്മാനമാണിതെന്ന് സുരേഷ് ഗോപി ഫേസ് ബുക്കിൽ കുറിച്ചു. കൂടാതെ തഞ്ചാവൂർ സൗത്ത് സോൺ കൾച്ചറൽ സെന്റർ, പുലികളി സംഘങ്ങൾക്ക് 1 ലക്ഷം രൂപ വീതം സംഭാവന ചെയ്യുമെന്നും അദ്ദേഹം വ്യക്തമാക്കി.
