കളമശേരി: ഓപ്പറേഷൻ തൂഫാന്റെ ഭാഗമായി കളമശേരിയിൽ നടത്തിയ പരിശോധനയിൽ എടത്തല നോർത്ത് നവരശ്മി നഗർ മനക്കപ്പറമ്പിൽ വീട്ടിൽ എം.ബി. സഹൽ (24), കളമശേരി ചങ്ങമ്പുഴ നഗർ പൊട്ടച്ചൽ നഗർ റോഡ് കോഴിക്കാട്ടിൽ വീട്ടിൽ കെ.എ. ആഷിഫ് (34) എന്നിവരെ സിറ്റി പൊലീസ് പിടികൂടി. നാർക്കോട്ടിക് സെൽ അസി. കമ്മിഷണർ ടി.ഡി സുനിൽകുമാറിന്റെ നേതൃത്വത്തിലുള്ള സിറ്റി ഡാൻസാഫ് ടീം കളമശേരി മൂലേപ്പാടം റോഡ് ഭാഗത്ത് നിന്നും 66.790 ഗ്രാം എം.ഡി.എം.എയുമായി സഹലിനെയും, ചങ്ങമ്പുഴ നഗർ ഭാഗത്തുനിന്ന് 5.69 ഗ്രാം എം.ഡി.എം.എയുമായി ആഷിഫിനെയും പിടികൂടൂകയായിരുന്നു.
