കൊച്ചി: എറണാകുളം വൈ.എം.സി.എയുടെയും തമ്മനം വിനോദം ചെസ് അക്കാഡമിയുടെയും ആഭിമുഖ്യത്തിൽ നടത്തിയ ഇന്റർ സ്കൂൾ ചെസ് ടൂർണമെന്റിൽ ചോറ്റാനിക്കര അമ്പാടിമൂല മഹാത്മാ ഗാന്ധി പബ്ലിക് സ്കൂൾ ജേതാക്കളായി. തിരുവാണിയൂർ ഗ്ലോബൽ പബ്ലിക് സ്കൂൾ രണ്ടും ചിറ്റൂർ എസ്.ബി.ഒ.എ. സ്കൂൾ മൂന്നും സ്ഥാനങ്ങൾ നേടി. വൈ.എം.സി.എ. പ്രസിഡന്റ് റെജി എ. ജോർജ്, ട്രഷറർ ഷോൺ ജെഫ് ക്രിസ്റ്റഫർ എന്നിവർ സമ്മാനങ്ങൾ വിതരണം ചെയ്തു. വിനോദം ചെസ് അക്കാഡമി ഡയറക്ടർ കെ.എ. യൂനസ്, സ്പോർട്സ് ഗയിംസ് കമ്മിറ്റി ചെയർമാൻ മറ്റോ തോമസ്, മാത്തൻ വർഗീസ്, കുരുവിള മാത്യൂസ്, ജനറൽ സെക്രട്ടറി ആന്റോ ജോസഫ് എന്നിവർ സംസാരിച്ചു.
