മണപ്പുറം ഫിനാൻസിന് ലാഭം ₹244.11 കോടി

Saturday 09 February 2019 1:19 AM IST
mana

കൊച്ചി: നടപ്പു സാമ്പത്തിക വർഷത്തെ ഒക്‌ടോബർ-ഡിസംബർ ത്രൈമാസത്തിൽ മണപ്പുറം ഗ്രൂപ്പ് 42 ശതമാനം വർദ്ധനയോടെ 244.11 കോടി രൂപയുടെ ലാഭം നേടി. മുൻവർഷത്തെ സമാനപാദത്തിൽ ലാഭം 171.73 കോടി രൂപയായിരുന്നു. ഉപസ്ഥാപനങ്ങളുടെ പ്രവർത്തനഫലം ഒഴിവാക്കിയാൽ കമ്പനിയുടെ ലാഭം 210.83 കോടി രൂപയാണ്. 24.4 ശതമാനമാണ് വർദ്ധന.

മൊത്തം വരുമാനം 872 കോടി രൂപയിൽ നിന്ന് 24 ശതമാനം വർദ്ധിച്ച് 1,​081.20 കോടി രൂപയായി. ഗ്രൂപ്പിന്റെ ആകെ ആസ്‌തി 21.4 ശതമാനം ഉയർന്ന് 17,​783.06 കോടി രൂപയായി. 2017 ഒക്‌ടോബർ-ഡിസംബറിൽ ഇത് 14,​650.16 കോടി രൂപയായിരുന്നു. രണ്ടുരൂപ മുഖവിലയുള്ള ഓഹരികൾക്ക് 0.55 രൂപ വീതം ഇടക്കാല ലാഭവിഹിതം നൽകാൻ തൃശൂർ വലപ്പാട് ചേർന്ന ഡയറക്‌ടർ ബോർഡ് യോഗം തീരുമാനിച്ചുവെന്ന് മാനേജിംഗ് ഡയറക്‌ടറും സി.ഇ.ഒയുമായ വി.പി. നന്ദകുമാർ പറഞ്ഞു.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN BUSINESS
YOU MAY LIKE IN BUSINESS