പഴയങ്ങാടി: അനധികൃതമായി മണൽ കടത്തുകയായിരുന്ന രണ്ട് ടിപ്പർ ലോറികൾ പഴയങ്ങാടി പൊലീസ് പിടികൂടി. ഇന്ന് പുലർച്ചയോടെ പുതിയങ്ങാടി ചൂട്ടാട് വച്ച് പഴയങ്ങാടി എസ്.ഐ ഗിരീഷും സംഘവുമാണ് രഹസ്യവിഭാഗത്തിന്റെ വിവരത്തെ തുടർന്ന് 2 ടിപ്പറുകൾ പിടികൂടിയത്. വാഹനത്തിൽ ഉണ്ടായിരുന്നവർ ഓടി രക്ഷപെട്ടു. മാസങ്ങളായി ഈ പ്രദേശത്ത് നിന്ന് മണൽ കടത്തുന്നതായി പൊലീസിന് വിവരം കിട്ടിയിരുന്നുവെങ്കിലും പിടികൂടുവാൻ കഴിഞ്ഞിരുന്നില്ല. മണലെടുപ്പ് കാരണം കടൽ കരയിലേക്ക് കയറുന്നത് നിത്യസംഭവമാണ്. സുനാമി ബാധിത പ്രദേശമായ ചൂട്ടാട് കടൽ കരയിൽ നിന്ന് വളരെ അടുത്താണ്. പിടികൂടിയ ടിപ്പർ ലോറികൾ പൊലീസ് സ്റ്റേഷനിലേക്ക് മാറ്റി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |