SignIn
Kerala Kaumudi Online
Thursday, 25 April 2024 3.16 PM IST

മോഡലുകളുടെ അപകടമരണം, സൈജുവിന്റെ 'ചാറ്റിൽ ' ലഹരി ബന്ധം ചികഞ്ഞ് ക്രൈംബ്രാഞ്ച്

m

കൊച്ചി: മോഡലുകളും സുഹൃത്തും മരിച്ച ദുരൂഹ കാറപകടക്കേസിൽ അറസ്റ്റിലായ സൈജു എം.തങ്കച്ചന്റെ ഫോണിലെ ചാറ്രുകൾ കേന്ദ്രീകരിച്ച് ക്രൈംബ്രാഞ്ച് അന്വേഷണം തുടങ്ങി. കേരളത്തിലും പുറത്തും നിരവധി ലഹരി ഇടപാടുകാരുമായി ഇയാൾ ആശയവിനിമയം നടത്തിയിട്ടുണ്ടെന്നാണ് സൂചന. ഇവരെ കണ്ടെത്തി ചോദ്യംചെയ്യും.

ലഹരി ഉപയോഗിക്കുന്നതിന്റെയും ഡി.ജെ പാർട്ടികളിൽ പങ്കെടുക്കുന്നതിന്റെയും ദൃശ്യങ്ങൾ ഫോണിൽ നിന്ന് പൊലീസിന് ലഭിച്ചിട്ടുണ്ട്. ഇടുക്കി ജില്ലയിലെ വിവിധ ഇടങ്ങളിലെ നിശാപ്പാർട്ടികളാണ് ഇവയെന്നാണ് കരുതുന്നത്. വെള്ളിയാഴ്ച വൈകിട്ട് അറസ്റ്റുചെയ്ത ഇയാളെ ഇന്നലെ കോടതി മൂന്നു ദിവസം പൊലീസ് കസ്റ്റഡിയിൽ വിട്ടു.

ദുരുദ്ദേശ്യത്തോടെ യുവതികളെ പിന്തുടർന്നു, അപകടത്തിന് പ്രേരണയുണ്ടാക്കി എന്നീ കുറ്റങ്ങളാണ് ചുമത്തിയിട്ടുള്ളത്. മോഡലുകളും സുഹൃത്തുക്കളും രാത്രി ആഘോഷിച്ച ഫോർട്ടു കൊച്ചിയിലെ നമ്പർ 18 ഹോട്ടൽ, യുവതികളുടെ കാർ തടഞ്ഞുനിറുത്തി സംസാരിച്ച കുണ്ടന്നൂർ, അപകടം നടന്ന ഇടപ്പള്ളി-വൈറ്റില ബൈപ്പാസിലെ ചക്കരപ്പറമ്പ് എന്നിവിടങ്ങളിൽ സൈജുവുമായി ഇന്നലെ തെളിവെടുത്തു. വൈകിട്ടോടെയാണ് മജിസ്ട്രേട്ട് കോടതിയിൽ ഹാജരാക്കിയത്.

മോഡലുകൾ സഞ്ചരിച്ചിരുന്ന കാറിനെ പിന്തുടർന്ന് അപകടത്തിനിടയാക്കിയത് സൈജുവാണെന്ന് അന്വേഷണസംഘം പറയുന്നു. സൈജുവിനെതിരെ മനപ്പൂർവമല്ലാത്ത നരഹത്യാക്കുറ്റം നിലനിൽക്കുമെന്ന് പ്രോസിക്യൂഷൻ വാദിച്ചു. നമ്പർ 18 ഹോട്ടലുടമ റോയി വയലാട്ടിൽ ഉൾപ്പെടെയുള്ള പ്രതികൾക്കെതിരെ ഇതേ കുറ്റം നിലനിൽക്കില്ലെന്ന് കണ്ട് കോടതി ജാമ്യം അനുവദിച്ചിരുന്നു. സൈജുവിന്റെ കേസിൽ സാഹചര്യം വ്യത്യസ്തമാണെന്നും മോഡലുകൾ സഞ്ചരിച്ച കാർ ഓടിച്ചിരുന്ന അബ്ദുൾ റഹ്മാൻ മദ്യപിച്ചെന്ന് അറിഞ്ഞുകൊണ്ടാണ് ഇയാൾ പിന്തുടർന്നതെന്നും പ്രോസിക്യൂഷൻ വ്യക്തമാക്കി. തുടർന്ന് ജാമ്യാപേക്ഷ നിരസിച്ച് കസ്റ്റഡിയിൽ വിടുകയായിരുന്നു.

ഇന്റീരിയർ ഡിസൈനറായ സൈജു ഹോട്ടലുടമ റോയി വയലാട്ടിന്റെ അടുത്ത സുഹൃത്താണ്. ഡി.ജെ നടക്കുന്ന ദിവസങ്ങളിൽ സൈജു ഹോട്ടലിൽ എത്തിയിരുന്നത് മയക്കുമരുന്ന് കൈമാറാനാണോയെന്നും അന്വേഷിക്കുന്നുണ്ട്.

സൈ​ജു​വി​നെ​ ​ര​ണ്ടാം​ ​പ്ര​തി​യാ​ക്കും

കൊ​ച്ചി​:​ ​മോ​ഡ​ലു​ക​ൾ​ ​കാ​റ​പ​ക​ട​ത്തി​ൽ​ ​മ​രി​ച്ച​ ​സം​ഭ​വ​ത്തി​ൽ​ ​ക​ഴി​ഞ്ഞ​ദി​വ​സം​ ​അ​റ​സ്റ്റി​ലാ​യ​ ​സൈ​ജു​ ​എം.​ ​ത​ങ്ക​ച്ച​നെ​ ​ര​ണ്ടാം​ ​പ്ര​തി​യാ​ക്കും.​ ​നി​ല​വി​ൽ​ ​ര​ണ്ടാം​പ്ര​തി​യാ​യ​ ​ഫോ​ർ​ട്ടു​കൊ​ച്ചി​ ​ന​മ്പ​ർ​ 18​ ​ഹോ​ട്ട​ൽ​ ​ഉ​ട​മ​ ​റോ​യ് ​ജെ​ ​വ​യ​ലാ​ട്ട് ​മൂ​ന്നാം​ ​പ്ര​തി​യാ​കും.​ ​മ​റ്റു​ള്ള​ ​പ്ര​തി​ക​ളു​ടെ​ ​സ്ഥാ​ന​വും​ ​ഇ​ത​നു​സ​രി​ച്ച് ​മാ​റും.​ ​മോ​ഡ​ലു​ക​ൾ​ ​സ​ഞ്ച​രി​ച്ച​ ​കാ​ർ​ ​ഓ​ടി​ച്ചി​രു​ന്ന​ ​അ​ബ്ദു​ൾ​ ​റ​ഹ്മാ​നാ​ണ് ​ഒ​ന്നാം​പ്ര​തി​ .​ ​മ​ദ്യ​പി​ച്ച് ​അ​ശ്ര​ദ്ധ​മാ​യി​ ​കാ​റോ​ടി​ച്ച് ​അ​പ​ക​ട​മു​ണ്ടാ​ക്കി​ ​ജീ​വാ​പാ​യ​ത്തി​ന് ​വ​ഴി​വെ​ച്ചു​വെ​ന്നാ​ണ് ​കു​റ്റം.
സ്ത്രീ​ത്വ​ത്തെ​ ​അ​പ​മാ​നി​ച്ച​താ​യ​ 354​-ാം​ ​വ​കു​പ്പും​ ​സൈ​ജു​വി​നെ​തി​രെ​ ​ചു​മ​ത്തും.​ ​സൈ​ജു​ ​മോ​ഡ​ലു​ക​ളു​ടെ​ ​കാ​റി​നെ​ ​പി​ന്തു​ടാ​ൻ​ ​ഉ​പ​യോ​ഗി​ച്ച​ ​ഓ​ഡി​ ​കാ​റും​ ​അ​ന്വേ​ഷ​ണ​ത്തി​ന്റെ​ ​ഭാ​ഗ​മാ​യി​ ​പി​ടി​ച്ചെ​ടു​ക്കേ​ണ്ട​തു​ണ്ടെ​ന്നും​ ​പൊ​ലീ​സ് ​കോ​ട​തി​യെ​ ​അ​റി​യി​ച്ചു.​ ​കാ​ർ​ ​ഉ​ട​ൻ​ ​ക​സ്റ്റ​ഡി​യി​ലെ​ടു​ക്കു​മെ​ന്നാ​ണ് ​സൂ​ച​ന.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: MIS KERALA
KERALA KAUMUDI EPAPER
TRENDING IN CASE DIARY
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.