കൊച്ചി: നടുക്കടലി​ൽ നി​ന്ന് മത്സ്യബന്ധന ബോട്ട് കടത്തിക്കൊണ്ടു പോയ സംഭവം കേന്ദ്ര ഏജൻസികളും അന്വേഷി​ക്കുന്നു.
കുളച്ചൽ സ്വദേശി അരുൾ രാജാണ് ഈ സംഭവത്തി​ന് പിന്നിൽ. ഇയാൾ ബോട്ടി​ൽ മനുഷ്യക്കടത്ത് നടത്തുന്ന സംഘാംഗമാണെന്ന് സൂചനയുണ്ട്.

തമി​ഴ് തീവ്രവാദികൾ മുനമ്പത്തു നിന്നു ബോട്ടുകൾ വാങ്ങി കടത്തിക്കൊണ്ടു പോയ സംഭവങ്ങളിലും അരുൾ രാജ് ഉൾപ്പെട്ടി​ട്ടുണ്ടെന്നാണ് സൂചന.

കേരളത്തിൽ നിന്നു ബോട്ടുകൾ വാങ്ങി കൈമാറുന്ന ഇടനിലക്കാരനാണ് അരുൾ രാജ്. മേയ് 12ന് രാത്രി​യാണ് വൈപ്പിൻ പള്ളത്താംകുളങ്ങര സ്വദേശി ജയന്റെ യു ആൻഡ് കോ എന്ന ബോട്ട് കുളച്ചലി​ലേക്ക് കടത്തി​യത്. രാത്രി​ മത്സ്യബന്ധനം കഴി​ഞ്ഞ് നങ്കൂരമി​ട്ട് തൊഴി​ലാളി​കൾ ഉറങ്ങവേ ചൂണ്ടവള്ളത്തി​ലാണ് സംഘം എത്തി​യത്. തൊഴി​ലാളി​കളെ കുളച്ചലി​ൽ ഇറക്കി ഇവർ കടന്നപ്പോഴാണ് സംഭവം പുറത്തറി​യുന്നത്.

ഇതേ ബോട്ടിലെ സ്രാങ്കുമായുള്ള സാമ്പത്തിക തർക്കമാണു ബോട്ട് കടത്തിക്കൊണ്ടു പോവാൻ കാരണമെന്നാണു മത്സ്യത്തൊഴിലാളികളുടെ മൊഴി. കോസ്റ്റൽ പൊലീസാണ് ഈ കേസ് അന്വേഷി​ക്കുന്നത്.

11നു രാത്രി മുരിക്കുംപാടത്തു നിന്നാണു 11 തൊഴിലാളികളുമായി ബോട്ട് ആഴക്കടൽ മത്സ്യബന്ധനത്തിനു പുറപ്പെട്ടത്. ആറു കുളച്ചൽ സ്വദേശികളും നാലു ഉത്തരേന്ത്യക്കാരും ഒരു മലയാളിയുമാണ് ബോട്ടിലുണ്ടായിരുന്നത്. കുളച്ചൽ പൊലീസും കോസ്റ്റ് ഗാർഡും ബോട്ട് കണ്ടെത്തിയെങ്കിലും അരുൾരാജിനെയും സംഘത്തെയും കുറിച്ചു വിവരം ലഭിച്ചില്ല.