മലയിൻകീഴ് : വിളപ്പിൽശാല വാളക്കോട് ജസ്റ്റിൻ ബ്രിഷ്‌സിംഗിന്റെ ഫാംഹൗസിൽ മോഷണം നടത്തിയ ആറ് പേരെ വിളപ്പിൽശാല പൊലീസ് അറസ്റ്റ് ചെയ്തു.പെരുംകുളം കട്ടയ്‌ക്കോട് പൂഞ്ഞാംകോട് വടക്കുംകര ശാലുഭവനിൽ ഷാലു(32),കുളത്തുമ്മൽ കട്ടയ്‌ക്കോട് മുഴുവൻകോട് വാളക്കോട് ചരുവിള പുത്തൻ വീട്ടിൽ രാജേഷ്(37),മലപ്പനംകോട് അഞ്ജുഭവനിൽ അനിൽകുമാർ(52), പനയംകോട് വാളക്കോട് വട്ടവിള വീട്ടിൽ സുരേഷ്(29),വാളക്കോട് വട്ടവിള പുത്തൻ വീട്ടിൽ സന്തു(35),കട്ടയ്‌ക്കോട് കിഴക്കരികത്തു വീട്ടിൽ ജോണി(33) എന്നിവരാണ് അറസ്റ്റിലായത്. ഫാംഹൗസിന്റെ പൂട്ടുപൊളിച്ച് അകത്തു കടന്ന പ്രതികൾ രണ്ട് മോട്ടോറുകൾ, 23 ഇരുമ്പ് വാതിലുകൾ,വേലി കെട്ടാൻ സൂക്ഷിച്ചിരുന്ന ഇരുമ്പ് കമ്പികൾ,ജി.ഐ.ഷീറ്റുകൾ,എട്ട് സി.സി.ടി.വി കാമറകൾ,തടികൾ എന്നിവയാണ് മോഷണം നടത്തിയത്.മോഷണ സാധനങ്ങൾ കൊണ്ടുപോകാൻ ഉപയോഗിച്ച ഓട്ടോറിക്ഷയും പൊലീസ് കസ്റ്റഡിയിലെടുത്തു .ഡിവൈ.എസ്.പി അനിൽകുമാറിന്റെ നേതൃത്വത്തിൽ വിളപ്പിൽശാല സ്‌റ്റേഷൻ ഇൻസ്‌പെക്ടർ എൻ.സുരേഷ്‌കുമാർ,എസ്.ഐ.ആശിഷ്,ജി.എസ്.ഐ.രാജൻ, സി.പി.ഒ.മാരായ അജിൽ,അജിത്ത്,പ്രദീപ്,സതീശൻ എന്നിവരടങ്ങിയ സംഘമാണ് പ്രതികളെ അറസ്റ്റുചെയ്തത്.

(ഫോട്ടോ അടിക്കുറിപ്പ്...അറസ്റ്റിലായ പ്രതികൾ.)