ഇന്ത്യൻ സിനിമയിലെ ഇതിഹാസ താരം കമൽഹാസന്റെ ഇളയ മകളായ അക്ഷര ഹാസൻ അമിതാഭ് ബച്ചനും ധനുഷും ഒന്നിച്ച ഷമിതാഭ് എന്ന ബോളിവുഡ് ചിത്രത്തിലൂടെയാണ് അഭിനയരംഗത്ത് അരങ്ങേറിയത്. ഗായികയായും മോഡലായും കഴിവ് തെളിയിച്ച താരം സമൂഹമാദ്ധ്യമങ്ങളിലും സജീവമാണ്.
ആറ് ലക്ഷത്തിലേറെ ആരാധകരാണ് അക്ഷരയെ ഇൻസ്റ്റഗ്രാമിൽ മാത്രം പിന്തുടരുന്നത്. തന്റെ ചിത്രങ്ങളും വീഡിയോകളും വിശേഷങ്ങളുമെല്ലാം താരം പങ്കുവയ്ക്കാറുണ്ട്. ഇത്തരത്തിൽ അക്ഷര പങ്കുവച്ച തന്റെ പുത്തൻ ഫോട്ടോ ഷൂട്ട് ചിത്രങ്ങൾ ഇന്റർനെറ്റിൽ തരംഗമായി മാറിയത് നിമിഷങ്ങൾക്കുള്ളിലാണ്.
പ്രശസ്ത ഡിസൈനറായ അശ്വിൻ ത്യാഗരാജൻ ഡിസൈൻ ചെയ്ത വ്യത്യസ്ത ലുക്കിലുള്ള ഗ്ളാമർ വേഷത്തിലാണ് പുതിയ ചിത്രങ്ങളിൽ അക്ഷര പ്രത്യക്ഷപ്പെട്ടിരിക്കുന്നത്.
അജിത് കുമാർ നായകനായ വിവേകത്തിലൂടെ തമിഴിൽ അരങ്ങേറിയ അക്ഷര വിക്രമിനൊപ്പം കടാരം കണ്ടാനിലുമഭിനയിച്ചു. തമിഴിൽ അഗ്നിച്ചിറകുകൾ, അച്ചം മദം നാണം പയിർപ്പ് എന്നീ ചിത്രങ്ങളാണ് അക്ഷരയുടേതായി അണിയറയിലൊരുങ്ങുന്നത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |