നവാഗതനായ ശ്രീരാജ് എം. രാജേന്ദ്രൻ സംവിധാനം ചെയ്യുന്ന ചാൻസ് എന്ന ചിത്രത്തിൽ ധ്രുവന് പകരം അമിത് ചക്കാലക്കൽ നായകൻ. ചില കാരണങ്ങളാൽ ധ്രുവൻ പിൻമാറുകയായിരുന്നെന്ന് അണിയറ പ്രവർത്തകർ വ്യക്തമാക്കി. ചാൻസിന്റെ ചിത്രീകരണം കൊച്ചിയിൽ ആരംഭിച്ചു. രുദ്ര, ഗുരു സോമസുന്ദരം, അനാർക്കലി മരിക്കാർ, സാബു തരികിട, അർജുൻ ഗോപാൽ, ശ്യാം മോഹൻ, അലൻഡിയ, ഹരീഷ് കണാരൻ, സുധീർ കരമന, നിർമ്മൽ പാലാഴി, കിച്ചു ടെല്ലസ്, ചെമ്പിൽ അശോകൻ തുടങ്ങിയവരാണ് മറ്റു താരങ്ങൾ.
ക്യാപ്ടൻ മൂവി മേക്കേഴ്സിന്റെയും ആൽബി ഫിലിംസ് പ്രൈവറ്റ് ലിമിറ്റഡിന്റെയും ബാനറിൽ രാജേഷ് രാജ്, മെൽവിൻ കോലോത്ത്, ഹരിദാസ്, ജീവ ജോർജ് എന്നിവർ ചേർന്ന് നിർമ്മിക്കുന്ന ചാൻസിന് പി. സുകുമാർ ആണ് ഛായാഗ്രഹണം.സംവിധായകൻ ശ്രീരാജ് എം. രാജേന്ദ്രനും ജോസഫ് അഗസ്റ്റിൻ കുരുമ്പനും ചേർന്നാണ് രചന. ചമയം : പ്രദീപ് രംഗൻ, കലാസംവിധാനം ത്യാഗു തവനൂർ, വസ്ത്രാലങ്കാരം ഗാഥ ആർ. പ്രൊഡക്ഷൻ കൺട്രോളർ: മനോജ് കാരന്തൂർ, പ്രൊഡക്ഷൻ എക്സിക്യുട്ടീവ് : പൗലോസ് കുറുമറ്റം. പി.ആർ.ഒ എ.എസ് . ദിനേശ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |