ആന്റണി വർഗീസിനെ നായകനാക്കി ടിനു പാപ്പച്ചൻ സംവിധാനം ചെയ്ത അജഗജാന്തരം എന്ന ചിത്രത്തിലെ ഓളുളെരു എന്ന ആഘോഷ പാട്ടിനു ചുവടുവച്ച് സണ്ണി ലിയോൺ. മുണ്ടു മടക്കിക്കുത്തി അത്യുഗ്രൻ പ്രകടനമാണ് സണ്ണി ലിയോണും സംഘവും നടത്തുന്നത്. നിരവധി പേർ വീഡിയോ കണ്ടുകഴിഞ്ഞു. ചുരുങ്ങിയ സമയത്തിനകം വൈറലായ നൃത്തപ്രകടനം സമൂഹ മാദ്ധ്യമങ്ങളിൽ ഇപ്പോൾ ട്രെൻഡിങ്ങാണ്.

നിരവധി പേർ റീൽ വീഡിയോ പങ്കുവയ്ക്കുകയും ചെയ്തു. ഒരുകോടി ആസ്വാദക ഹൃദയങ്ങൾ കീഴടക്കി മുന്നേറുകയാണ് ഓളുളെരു എന്ന ഗാനം. നാടൻപാട്ടു കലാകാരി പ്രസീദ ചാലക്കുടിയാണ് ഗാനം ആലപിച്ചത്. മാവിലൻ ഗോത്രത്തിന്റെ പരമ്പരാഗത ഗാനമാണത്. ജസ്‌റ്റിൻ വർഗീസാണ് സംഗീത സംവിധാനം. ആന്റണി വർഗീസും കൂട്ടരും ഗാനരംഗത്ത് ആടിത്തിമിർക്കുകയാണ്.