മലയാള സിനിമ ഇന്ന് വിഭാഗത്തിൽ സനൽ കുമാർ ശശിധരന്റെ വഴക്ക് ഉൾപ്പടെ 12 ചിത്രങ്ങൾ
സംസ്ഥാന ചലച്ചിത്ര അക്കാഡമി സംഘടിപ്പിക്കുന്ന 27-ാമത് അന്താരാഷ്ട്ര ചലച്ചിത്ര മേളയുടെ മത്സര വിഭാഗത്തിലേക്ക് രണ്ട് മലയാള ചിത്രങ്ങൾ തിരഞ്ഞെടുക്കപ്പെട്ടു. മമ്മൂട്ടി അഭിനയിച്ച് ലിജോ ജോസ് പെല്ലിശേരി സംവിധാനം ചെയ്ത 'നൻപകൽ നേരത്ത് മയക്കം' കുഞ്ചാക്കോ ബോബൻ നായകനായ മഹേഷ് നാരായണൻ സംവിധാനം ചെയ്ത 'അറിയിപ്പ് ' എന്നിവയാണ് ചിത്രങ്ങൾ. സംവിധായകൻ ആർ.ശരത് ചെയർമാനും ഷെറി, രഞ്ജിത് ശങ്കർ ,അനുരാജ് മനോഹർ, കെ.ജെ.ജീവ എന്നിവർ അംഗങ്ങളുമായുള്ള സമിതിയാണ് ചിത്രങ്ങൾ തിരഞ്ഞെടുത്തത്. മലയാളം സിനിമ ഇന്ന് വിഭാഗത്തിലേക്ക് സനൽകുമാർ ശശിധരൻ സംവിധാനം ചെയ്ത വഴക്ക് ഉൾപ്പെടെ12 ചിത്രങ്ങൾ തിരഞ്ഞെടുക്കപ്പെട്ടു. ആയിരത്തൊന്ന് നുണകൾ ( കെ.വി താമർ),ബാക്കി വന്നവർ (അമൽ പ്രാസി), പട (കെ.എം കമൽ), നോർമൽ (പ്രതീഷ് പ്രസാദ്), ഗ്രേറ്റ് ഡിപ്രഷൻ (എച്ച്.അരവിന്ദ്), വേട്ടപ്പട്ടികളും ഓട്ടക്കാരും (ജി.രാരിഷ്), ആണ് (സിദ്ധാർത്ഥ് ശിവ), ഭർത്താവും ഭാര്യയും മരിച്ച രണ്ടു മക്കളും (സതീഷ് ബാബുസേനൻ,സന്തോഷ് ബാബുസേനൻ), ധബാരി ക്യുരുവി ( പ്രിയനന്ദനനൻ), ഫ്രീഡം ഫൈറ്റ് (ജിയോ ബേബി),19(1)(A) (വി.എസ് ഇന്ദു) എന്നിവയാണ് മറ്റ് ചിത്രങ്ങൾ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |