ഇളയ മകൾ അക്ഷരയോടൊപ്പം ചുവടുവച്ച് ഉലകനായകൻ കമൽഹാസൻ. കുടുംബത്തിനും സുഹൃത്തുക്കൾക്കും ഒപ്പമുള്ള പാർട്ടിയിൽ മകൾക്കൊപ്പം നൃത്തം ചെയ്യുന്ന ഉലകനായന്റെ വീഡിയോ സമൂഹ മാദ്ധ്യമങ്ങളിൽ ശ്രദ്ധേയമാവുന്നു. മന്മഥൻ അംബു എന്ന കമൽഹാസൻ ചിത്രത്തിലെ ഹൂ ഈസ് ദ ഹീറോ എന്ന ഗാനത്തിനാണ് ഇരുവരും ചേർന്ന് ചുവടുവച്ചത്.കമൽഹാസന്റെ 68-ാം പിറന്നാൾ ആഘോഷത്തിന്റേതാണ് വീഡിയോ. അഭിനേതാക്കളായ ബിന്ദു പാർവതി,​രാധിക ശരത് കുമാർ,​സിദ്ധാർത്ഥ്,​സംവിധായകരായ പാർത്ഥിപൻ,​ലോകേഷ് കനകരാജ്,​മിഷ്കിൻ തുടങ്ങിയവർ‌ പങ്കെടുത്തിരുന്നു.

അതേസമയം 35 വർഷത്തിന് ശേഷം മണിരത്നവും കമൽഹാസനും ഒരുമിക്കാൻ പോവുകയാണ്. ഷങ്കർ സംവിധാനം ചെയ്യുന്ന ഇന്ത്യൻ 2 ആണ് കമലിന്റെ പുതിയ ചിത്രം.