ഓണാഘോഷത്തിന് മഞ്ജുവാര്യർ നാട്ടിലില്ല.മുംബയിലാണ്.അവിടെ സ്വകാര്യ ആവശ്യത്തിനായി പോയ മഞ്ജു തന്റെ ഹിന്ദിച്ചിത്രം ഉടനെ തുടങ്ങുമെന്ന് അറിയിപ്പ് ലഭിച്ചതിനാൽ അവിടെ തുടരുകയാണ്.
മഞ്ജു ലേഡി സൂപ്പർ സ്റ്റാറല്ല, സൂപ്പർ സ്റ്റാർ തന്നെയെന്ന് ചലച്ചിത്ര രംഗം തിരിച്ചറിഞ്ഞു.. റിയൽ സൂപ്പർ സ്റ്റാർ.കൊവിഡ് കാലം തന്റെ സിനിമ റിലീസ് ചെയ്തില്ലെങ്കിലും യഥാർത്ഥ സൂപ്പർ സ്റ്റാർ മഞ്ജു വാര്യർ തന്നെ. മഞ്ജുവിന്റെ ഏറ്റവും പുതിയ ചിത്രമായ ജാക്ക് ആൻഡ് ജില്ലിലെ 'കിംകിം കിം' പാട്ട് ഇൻസ്റ്റഗ്രാമിലും ഫേസ്ബുക്കിലും നിറഞ്ഞൊഴുകുന്നു. പാട്ടിന് പിന്നാലെ ചലഞ്ചായി വിഡിയോ കൂടി മഞ്ജു പങ്കുവച്ചതോടെ കഥ മാറി.കാഴ്ചയും. 'നിങ്ങൾ കുട്ടികളല്ലെങ്കിലും ഈ ചലഞ്ചിലൂടെ നിങ്ങളുടെ ഉള്ളിലെ കുട്ടി പുറത്തുവരുമെന്ന്' മഞ്ജു കുറിച്ചത് അക്ഷരാർത്ഥത്തിൽ ശരിയായി മാറുകയും ചെയ്തു.പാവാടയും ടീഷർട്ടും ധരിച്ച് പോണി ടെയിൽ സ്റ്റൈലിൽ മുടികെട്ടിവച്ചാണ് മഞ്ജു ചുവടുവച്ചത്.പാട്ടിന് മഞ്ജു ചുവടുവയ്ക്കുന്നതിനെ അനുകരിച്ച് നിരവധി പേരുടെ ചെറുവിഡിയോകൾ വന്നു.അത് മറ്റൊരു തംരഗം. ഒരു മഞ്ജുവാര്യർ സിനിമ തരുന്നതിന്റെ പതിന്മടങ്ങ് പ്രശസ്തി 'കിം കിം കിം' പാട്ട് സൃഷ്ടിച്ചു.ഏറ്റവും ഒടുവിൽ പാട്ടിന് ചുവടുവച്ച് കെനിയയിൽനിന്ന് കൂട്ടികൂട്ടവും എത്തി. മഞ്ജു തന്നെയാണ് കെനിയൻ ആരാധകർ 'കിംകിം കിം' പാട്ടിന് ചുവടുവയ്ക്കുന്ന വിഡിയോ ഇൻസ്റ്റഗ്രാമിൽ പങ്കുവച്ചത്. 'കിംകിം കിമ്മിന് കെനിയയിൽനിന്ന് സ്നേഹം.' മഞ്ജു കുറിച്ചു. നൃത്ത വിഡിയോ അയച്ചു തന്ന ആളിന് നന്ദി പറയുന്ന അടിക്കുറിപ്പോടെയാണ് വിഡിയോ പങ്കുവച്ചത്. മഞ്ജു പാടിയ പാട്ട് വിദേശരാജ്യത്തും അലയടിക്കുന്നു.കോവിഡ് കാലത്ത് തരംഗവും പ്രശസ്തിയും ഉയർത്തിയ ഏക മലയാള താരം മഞ്ജു വാര്യർ തന്നെയാണ്. കാമറയുടെ മുൻപിൽ വന്നല്ല ഈ വിജയത്തിളക്കം എന്നതാണ് മറ്റൊരു സവിശേഷത. വർഷങ്ങൾക്കുശേഷം മഞ്ജു ഗായികയാകുന്ന പാട്ടാണ് സന്തോഷ് ശിവൻ സംവിധാനം ചെയ്യുന്ന ജാക്ക് ആൻഡ് ജില്ലിലെ 'കിംകിംകിം'.നേരത്തെ കണ്ണെഴുതി പൊട്ടും തൊട്ടും സിനിമയിൽ 'ചെമ്പഴുക്കാ' എന്ന ഗാനം പാടിയിരുന്നെങ്കിലും കിംകിംകിമ്മിന് അരികിൽ എത്തിയില്ല.ഗായിക എന്ന നിലയിലും മഞ്ജു വാര്യർ തിളങ്ങുകയാണ്.
മഞ്ജു വാര്യർ എന്ന അഭിനേത്രിയുടെ ജീവിതത്തിലെ മറ്റൊരു സവിശേഷത ചലച്ചിത്ര നിർമാണ രംഗത്തേക്കുള്ള പ്രവേശനമാണ് . സനൽകുമാർ ശശിധരൻ സംവിധാനം ചെയ്യുന്ന കയറ്റം സിനിമ മഞ്ജു വാര്യർ പ്രൊഡക്ഷൻസിന്റെ ആദ്യ ചുവടുവയ്പാണ്. സഹോദരൻ മധു വാര്യർ ആദ്യമായി സംവിധാനം ചെയ്യുന്ന ലളിതം സുന്ദരത്തിൽ അഭിനയിക്കുമ്പോഴാണ് ലോക് ഡൗൺ. ഈ ചിത്രത്തിന്റെ രണ്ടാംഘട്ട ചിത്രീകരണത്തിൽ മഞ്ജു അഭിനയിച്ചു തുടങ്ങി.സെഞ്ച്വറിയുമായി ചേർന്നാണ് മഞ്ജുവാര്യർ പ്രൊഡക്ഷൻസ് ലളിതം സുന്ദരം നിർമിക്കുന്നത്. നിർമാതാവ് എന്ന നിലയിലും താരം തിളങ്ങുമെന്നാണ് പ്രതീക്ഷ. മമ്മൂട്ടിയോടൊപ്പം ആദ്യമായിഭിനയിക്കുന്ന ദ പ്രീസ്റ്റ് സണ്ണി വയ് ന് ഒപ്പം അഭിനയിക്കുന്ന ചതുർമുഖം,.ചതുർമുഖം ചാനലിലൂടെ പ്രേക്ഷകർ കണ്ടുകഴിഞ്ഞു.സണ്ണി വയ്ൻ നിർമ്മിച്ച് നിവിൻപോളി നായകനാകുന്ന പടവെട്ട് എന്നീ ചിത്രങ്ങൾ പോയ വർഷം മഞ്ജു വാര്യർ പൂർത്തിയാക്കിയിരുന്നു.മോഹൻലാൽ - പ്രിയർദശൻ ചിത്രം മരക്കാർ അറബിക്കടലിന്റെ സിംഹമാണ് മറ്റൊരു ചിത്രം. ഈ സിനിമയിൽ മഞ്ജുവിന് അതിഥി വേഷമാണ്. നിരവധി പ്രതിഭാധനർക്കൊപ്പം പ്രവർത്തിക്കാൻ കഴിഞ്ഞതിന്റെ സന്തോഷം മരക്കാർ അറബിക്കടലിന്റെ സിംഹം മഞ്ജു വാര്യർക്ക് നൽകുന്നു. പുതുവർഷത്തിൽ മലയാളത്തിന് പുറമെ തമിഴിലും അഭിനയിക്കുന്നുണ്ട്. ധനുഷ് ചിത്രം അസുരനിലെ പച്ചൈയമ്മാളിനെ തമിഴകം കൈനീട്ടി സ്വീകരിച്ചത് മലയാളിയും കണ്ടതാണ് . ഏറെ നിരൂപകശ്രദ്ധയും നേടി അസുരൻ. ക്യാപ്ടൻ, വെള്ളം എന്നീ ചിത്രങ്ങൾക്ക് ശേഷം ജി. പ്രജേഷ് സെൻ രചനയും സംവിധാനവും നിർവഹിക്കുന്ന മേരീ ആവാസ് സുനോ മഞ്ജുവാര്യർപൂർത്തിയാക്കാനുണ്ട്. നിരവധി ചിത്രങ്ങൾ താരത്തെ കാത്തിരിപ്പുണ്ട്. സാധാരണ ദിവസം പോലെയാണ് ഒാണം. പ്രത്യേകതയൊന്നുമില്ല. എന്നും അങ്ങനെ തന്നെയാണ്. അങ്ങനെ കാണാനാണ് താത്പര്യമെന്ന് മഞ്ജു വാര്യർ പറയുന്നു.വാക്കുകൾ ലളിതം സുന്ദരം.ഏതോ സിനിമയിൽ മഞ്ജു വാര്യർ കഥാപാത്രം പറയുന്നതു പോലെ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |