വേണമെങ്കിൽ ചക്ക .....

Thursday 31 January 2019 1:07 AM IST

ksrtc

25 വർഷത്തിനുശേഷം ആദ്യമായി കെ.എസ്.ആർ.ടി.സി സ്വന്തം വരുമാനത്തിൽ നിന്നും ജീവനക്കാർക്ക് ശമ്പളം നൽകുന്നു എന്ന വാർത്ത വായിച്ചപ്പോൾ ആദ്യം മനസിലേക്കോടിയെത്തിയത് 'വേണമെങ്കിൽ ചക്ക വേരിലും കായ്ക്കും' എന്ന പഴഞ്ചൊല്ലായിരുന്നു. ശബരിമല സീസണിൽ നിന്നും ലഭിച്ച 45.2 കോടി രൂപയാണത്രെ ഈ ചരിത്ര നേട്ടത്തിന് നെടുംതൂണായി നിന്നത്. അപ്പോൾ കഴിഞ്ഞ 25 കൊല്ലമായി ശബരിമല സീസണിൽ കെ.എസ്.ആർ.ടി.സിയ്ക്ക് ലഭിച്ച വരുമാനം എന്തുചെയ്യുകയായിരുന്നു എന്നതും ഇപ്പോൾ പ്രസക്തമാണ്.

ഏതായാലും വ്യക്തമായ തയ്യാറെടുപ്പോടുകൂടി ആസൂത്രണം ചെയ്യുകയാണെങ്കിൽ എന്തും നമുക്ക് കൈവരിക്കാൻ കഴിയും എന്നതിന്റെ ഒരു ഉദാഹരണം കൂടിയാണ് ഈ നേട്ടം. പക്ഷെ അതിനായി വേണ്ടത് അത്തരം തയ്യാറെടുപ്പുകൾ ആദ്യം മനസ്സിൽ തോന്നണം; എന്നാലേ വേരിലെങ്കിലും കായ്ക്കുകയുള്ളൂ എന്നതാണ്. ഇനി ഈ നേട്ടം വീണ്ടും ആവർത്തിക്കുവാൻ അടുത്ത ശബരിമല സീസൺ വരെ കാത്തിരിക്കാതെ കെ.എസ്.ആർ.ടി.സി ലെ മുഴുവൻ ജീവനക്കാരും എല്ലാ യൂണിയൻ നേതാക്കളും ഒത്തൊരുമയോടെ പ്രവർത്തിക്കേണ്ടിയിരിക്കുന്നു. അല്ലെങ്കിൽ ഇപ്പോൾ നേടിയ ഈ ചരിത്ര നേട്ടം ഒരുതവണത്തെ നേട്ടമായി മാത്രം കെ.എസ്.ആർ.ടി.സി യുടെ താളുകളിൽ വരുംകാലങ്ങളിൽ രേഖപ്പെടുത്തേണ്ടിവരും.

എ . കെ . അനിൽകുമാർ

നെയ്യാറ്റിൻകര

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN EDIT
YOU MAY LIKE IN EDIT