തിരുവനന്തപുരം : രാഷ്ട്രതന്ത്രജ്ഞനായിരിക്കേണ്ട പ്രധാനമന്ത്രി പ്രധാന പൂജാരിയായി മാറിയെന്നും അയോദ്ധ്യയിലും കേദാർനാഥിലും പാർലമെന്റിലും ഇതാണ് കണ്ടതെന്നും സി.പി.എം പോളിറ്റ് ബ്യൂറോ അംഗം എ.വിജയരാഘവൻ. ഇ.എം.എസ് അക്കാഡമിയിൽ നടന്ന ഓൾ ഇന്ത്യാ ലോയേഴ്സ് യൂണിയൻ സംസ്ഥാന നേതൃത്വ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. തോമസ് ഐസക്ക്,എം.സ്വരാജ്,വി.ബി.പരമേശ്വരൻ എന്നിവർ ക്ലാസെടുത്തു. അഡ്വക്കേറ്റ് ജനറലും ഓൾ ഇന്ത്യാ ലോയേഴ്സ് യൂണിയൽ സംസ്ഥാന പ്രസിഡന്റുമായ അഡ്വ.കെ ഗോപാലകൃഷ്ണ കുറുപ്പ്,അഖിലേന്ത്യാ ജോയിന്റ് സെക്രട്ടറി അഡ്വ.ഇ.കെ.നാരായണൻ,സംസ്ഥാന സെക്രട്ടറി അഡ്വ.സി.പി പ്രമോദ്, അഡ്വ.ഐഷ പോറ്റി,ബി.രാജേന്ദ്രൻ,സുധീർ ഗണേശ്കുമാർ,പാരിപ്പള്ളി രവീന്ദ്രൻ,അഡ്വ.കെ.ഒ.അശോകൻ,അഡ്വ.ആനാവൂർ വേലായുധൻ നായർ,കെ.അനിൽ കുമാർ എന്നിവർ പരിപാടിയിൽ പങ്കെടുത്തു.