ന്യൂഡൽഹി: കേരളത്തിലെ പ്രീഡിഗ്രി ബോർഡിനെതിരായ സമരവുമായി ബന്ധപ്പെട്ട വിവിധ കേസുകളിൽ ഹൈക്കോടതി ശിക്ഷിച്ച എ.ബി.വി.പി പ്രവർത്തകരായ 14 പേരെ സുപ്രീം കോടതി വെറുതെ വിട്ടു. പൊതുമുതൽ നശിപ്പിക്കൽ, കലാപം, സംഘം ചേരൽ തുടങ്ങിയ കുറ്റങ്ങൾ ചുമത്തിയാണ് ഹൈക്കോടതി ശിക്ഷിച്ചത്. ഇതിനെതിരെ നൽകിയ അപ്പീൽ പരിഗണിച്ച ജസ്റ്റിസ് എ.എസ് ബൊപ്പണ്ണ, ജസ്റ്റിസ് പി.എസ്. നരസിംഹ എന്നിവരടങ്ങിയ ബെഞ്ചാണ് പ്രതികളെ വെറുതെ വിട്ടത്. 2010 ൽ നൽകിയ അപ്പീലിലാണ് ഇപ്പോൾ വിധി വന്നത്.