തിരുവനന്തപുരം: സ്കൂളുകളിൽ മലയാളം പഠിപ്പിക്കാനുള്ള അടിസ്ഥാനയോഗ്യതയോ മലയാളത്തിൽ ബിരുദമോ ഇല്ലാത്തവർ കുട്ടികളെ മലയാളം പഠിപ്പിക്കരുതെന്നും ഈ പ്രവണത തുടരാൻ സർക്കാർ അനുവദിക്കരുതെന്നും സംവിധായകൻ അടൂർ ഗോപാലകൃഷ്ണൻ പറഞ്ഞു. ഐക്യമലയാള പ്രസ്ഥാനം, സംയുക്ത സമരസമിതി, മാതൃഭാഷാവകാശ മുന്നണി എന്നിവ സംയുക്തമായി സംഘടിപ്പിച്ച ഒരാഴ്ച നീണ്ടുനിൽക്കുന്ന മാതൃഭാഷാ സമരവാരം ഉദ്ഘാടനം ചെയ്യുകയായിരുന്നു അദ്ദേഹം. ഏത് വിഷയം കൈകാര്യം ചെയ്യുന്ന അദ്ധ്യാപകർക്കും പ്രൈമറി ക്ലാസുകളിൽ മലയാളം പഠിപ്പിക്കാം എന്ന രീതിയിൽ പ്രതിഷേധിച്ചാണ് സമരവാരം സംഘടിപ്പിക്കുന്നത്.