കോട്ടയം: ലൂർദ് പബ്ലിക് സ്‌കൂൾ ആൻഡ് ജൂനിയർ കോളേജിൽ നടന്ന ലൂർദിയൻ ബാസ്‌കറ്റ് ബാൾ ടൂർണമെന്റുമായി ബന്ധപ്പെട്ട് പത്രങ്ങളിൽ പ്രസിദ്ധികരിച്ച മികച്ച രണ്ടാമത്തെ സ്‌പോർട്‌സ് വാർത്താ ചിത്രത്തിനുള്ള പുരസ്കാരത്തിന് കേരളകൗമുദി കോട്ടയം യൂണിറ്റിലെ ചീഫ് ഫോട്ടോഗ്രാഫ‌ർ ശ്രീകുമാർ ആലപ്ര അർഹനായി. ആഗസ്റ്റ് രണ്ടിന് ' ചാടി തട' എന്ന അടിക്കുറിപ്പോടെ പ്രസിദ്ധികരിച്ച ചിത്രത്തിനാണ് 7501 രൂപയും ഫലകവുമടങ്ങുന്ന അവാർഡ്. മണിമല ആലപ്ര ശ്രീരംഗം വീട്ടിൽ പരേതനായ കെ.കെ.ദാമോദരൻ നായരുടെയും ടി.കെ. ദേവകിയമ്മയുടെയും മകനാണ്. ഭാര്യ : രശ്മി ശ്രീകുമാർ. മക്കൾ : എസ്.ദേവനന്ദൻ, എസ്. ദേവദത്തൻ. മംഗളം ദിനപ്പത്രത്തിലെ ജി.വിപിൻ കുമാർ ഒന്നാം സ്ഥാനവും മാദ്ധ്യമത്തിലെ ദിലീപ് പുരക്കൽ, ദീപികയിലെ ജോൺ മാത്യു എന്നിവർ മൂന്നാം സ്ഥാനവും നേടി.