തിരുവനന്തപുരം: രാജ്ഭവനിൽ അസാധാരണമായ വാർത്താ സമ്മേളനം വിളിച്ചു ചേർക്കാൻ കാരണം മുഖ്യമന്ത്രിയുടെ പരിഹാസമാണെന്ന് ഗവർണർ ആരിഫ് മുഹമ്മദ് ഖാൻ. വിമാനത്താവളത്തിൽ ഞാൻ മാദ്ധ്യമങ്ങളോട് സംസാരിച്ചപ്പോൾ, ആരെങ്കിലും മൈക്ക് നീട്ടിയാൽ പ്രസംഗിക്കുമെന്ന് മുഖ്യമന്ത്രി പരിഹസിച്ചു. മാദ്ധ്യമപ്രവർത്തകർ ആരെങ്കിലുമല്ല, ജനാധിപത്യത്തിന്റെ ശക്തമായ തൂണുകളിലൊന്നാണ്. കടക്ക് പുറത്ത് എന്നു പറഞ്ഞ് മാദ്ധ്യമങ്ങളെ പുറത്താക്കിയ ആളാണ് മുഖ്യമന്ത്രി. അങ്ങനെ ഞാനും പറയണമെന്നാണോ? കുറേക്കഴിയുമ്പോൾ ഞാൻ പോവും. പിന്നാലെ വരുന്നവർ ഞാൻ ചുമതലകളിൽ വീഴ്ച വരുത്തിയെന്ന് വിലയിരുത്തും. ഭാവിതലമുറയോടും നമുക്ക് ചുമതലകളുണ്ട് - ഗവർണർ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |