കൊച്ചി: നടിയെ ആക്രമിച്ച കേസിന്റെ വിചാരണ പ്രിൻസിപ്പൽ സെഷൻസ് കോടതിയിലേക്ക് മാറ്റിയതിനെതിരെ പ്രോസിക്യൂഷനും അതിജീവിതയും നൽകിയ ഹർജികൾ വിചാരണക്കോടതി ഇന്നു പരിഗണിക്കും. എറണാകുളം സ്പെഷ്യൽ അഡി. സെഷൻസ് കോടതിയിൽ നടന്നുവന്ന വിചാരണ പ്രിൻസിപ്പൽ സെഷൻസ് കോടതിയിലേക്ക് മാറ്റിയതിനെതിരെയാണ് ഹർജി. സമാനമായ ആവശ്യം ഉന്നയിച്ച് അതിജീവിത ഹൈക്കോടതിയിലും ഹർജി നൽകിയിട്ടുണ്ട്. കോടതിയിൽ നിന്ന് രേഖകൾ ചോർത്തി അന്വേഷണ ഉദ്യോഗസ്ഥൻ മാദ്ധ്യമങ്ങൾക്കു നൽകുന്നെന്നാരോപിച്ച് നടൻ ദിലീപ് നൽകിയ ഹർജിയും പ്രിൻസിപ്പൽ സെഷൻസ് കോടതി ഇന്നു പരിഗണിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |