ദിശയുടെ സേവനങ്ങൾ ഇനി 104ലും
തിരുവനന്തപുരം : കൊവിഡ് കാലത്ത് സംശയങ്ങൾക്കും സേവനങ്ങൾക്കും ഇനി 104 എന്ന ടോൾ ഫ്രീ നമ്പരിലും വിളിക്കാം. ദേശീയ തലത്തിൽ ഹെൽത്ത് ഹെൽപ്പ് ലൈൻ നമ്പർ ഒരേ നമ്പർ ആക്കുന്നതിന്റെ ഭാഗമായാണ് ദിശ സേവനങ്ങൾ 104ലും ലഭ്യമാക്കുന്നത്. 104കൂടാതെ 1056, 0471- 2552056 എന്നീ നമ്പരുകളിലും ദിശയുടെ സേവനങ്ങൾ 24 മണിക്കൂറും ലഭ്യമാകും. കഴിഞ്ഞ വർഷം ജനുവരി 22 മുതൽ ഇതുവരെ 10.5 ലക്ഷം കോളുകളാണ് വന്നത്.
ലഭ്യമാകുന്ന സേവനങ്ങൾ
പൊതു വിവരങ്ങൾ, ക്വാറന്റൈൻ, മാനസിക പിന്തുണ, ഡോക്ടർ ഓൺ കോൾ, വാക്സിനേഷൻ, യാത്ര, അതിഥി തൊളിലാളി, ക്വാറന്റൈൻ ലംഘിക്കൽ, മരുന്ന് ലഭ്യത, കാസ്പ്, ഇ സഞ്ജീവനി, ഏർളി ചൈൽഡ് ഡെവലപ്മെന്റ് തുടങ്ങിയ ആരോഗ്യ സംബന്ധമായ ഏത് സേവനങ്ങൾക്കും ദിശയിലേക്ക് വിളിക്കാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |