ന്യൂഡൽഹി: കൊവിഡ് ചികിത്സയ്ക്ക് ഇന്ത്യൻ ശാസ്ത്രജ്ഞർ തദ്ദേശീയമായി വികസിപ്പിച്ച 2-ഡി ഓക്സി-ഡി-ഗ്ലൂക്കോസ് ( 2- ഡി ജി ) മരുന്ന് ഗർഭിണികൾക്കും മുലയൂട്ടുന്ന അമ്മമാർക്കും 18 വയസിന് താഴെയുള്ളവർക്കും നൽകാൻ പാടില്ലെന്ന് ഡി.ആർ.ഡി.ഒ ചികിത്സാ മാർഗരേഖയിൽ പറയുന്നു.
മാർഗരേഖ ഇങ്ങനെ
ഡോക്ടറുടെ നിർദ്ദേശ പ്രകാരം നിലവിൽ തുടരുന്ന കൊവിഡ് ചികിത്സയ്ക്കൊപ്പമാണ് 2ഡി.ജി മരുന്ന് ഉപയോഗിക്കേണ്ടത്.
രോഗബാധ കണ്ടാലുടൻ മരുന്ന് നൽകി തുടങ്ങണം
ഗർഭിണികൾ, പാലൂട്ടുന്ന അമ്മമാർ, 18വയസിന് താഴെയുള്ളവർ തുടങ്ങിയവർക്ക് മരുന്ന് നൽകരുത്
കടുത്ത പ്രമേഹം, ഗുരുതര ഹൃദ്രോഗം, കരൾ, വൃക്ക, ശ്വാസകോശ രോഗം എന്നിവയുള്ളവരിൽ മരുന്ന് പരീക്ഷിച്ചിട്ടില്ലാത്തതിനാൽ ജാഗ്രത വേണം.
മരുന്ന് ആവശ്യമുള്ളവർ നിർമ്മാതാക്കളായ ഡോ.റെഡ്ഢി ലാബോറട്ടറീസിന് 2DG@drreddys.com എന്ന വിലാസത്തിൽ ഇ മെയിൽ ചെയ്യാം. 2.34 ഗ്രാമിന്റെ ഒരു സാഷെയ്ക്ക് 990 രൂപയാണ് വില. ഈ മാസം വാണിജ്യാടിസ്ഥാനത്തിൽ വിതരണം ചെയ്യും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |