തിരുവനന്തപുരം: സംസ്ഥാനത്ത് ഇന്നലെ 3698 പേർ കൂടി കൊവിഡ് ബാധിതരായി. 45,190 സാമ്പിളുകളാണ് പരിശോധിച്ചത്. 8.18 ശതമാനമാണ് ടെസ്റ്റ് പോസിറ്റിവിറ്റി നിരക്ക്. കഴിഞ്ഞ ദിവസങ്ങളിലുണ്ടായ 75 മരണങ്ങളാണ് റിപ്പോർട്ട് ചെയ്തത്. ഇതുകൂടാതെ അപ്പീൽ നൽകിയ 105 മരണങ്ങളും പട്ടികയിൽ ഉൾപ്പെടുത്തി. ഇന്നലെ രോഗം സ്ഥിരീകരിച്ചവരിൽ 3432 പേർ സമ്പർക്കരോഗികളാണ്. 238 പേരുടെ ഉറവിടം വ്യക്തമല്ല. സംസ്ഥാനത്തിന് പുറത്ത് നിന്നെത്തിയ 15 പേരും 13 ആരോഗ്യ പ്രവർത്തകരും രോഗബാധിതരായി. 7515 പേർ രോഗമുക്തി നേടി. 39 തദ്ദേശ സ്വയംഭരണ പ്രദേശങ്ങളിലായി 46 വാർഡുകളാണ് പ്രതിവാര ഇൻഫെക്ഷൻ പോപ്പുലേഷൻ റേഷ്യോ പത്തിന് മുകളിലുള്ളത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |