ധാക്ക: ബംഗ്ലാദേശിനെതിരായ രണ്ടാം ടെസ്റ്റിൽ പത്ത് വിക്കറ്റിന്റെ തകർപ്പൻ ജയം നേടി ശ്രീലങ്ക 1-0 ത്തിന് പരമ്പര സ്വന്തമാക്കി. അവസാന ദിനം 34/4 എന്ന നിലയിൽ ബാറ്റിംഗ് പുനരാരംഭിച്ച ബംഗ്ലാദേശിനെ രണ്ടാം ഇന്നിംഗ്സിൽ 169 റൺസിൽ ഓൾ ഔട്ടാക്കിയ ശ്രീലങ്ക വിജയ ലക്ഷ്യമായ 29 റൺസ് വിക്കറ്റ് നഷ്ടമില്ലാതെ അടിച്ചെടുക്കുകയായിരുന്നു. സ്കോർ: ബംഗ്ലാദേശ് 365/10. 169/10. ശ്രീലങ്ക 506 / 10, 29/10. പരമ്പരയിലെ ആദ്യ മത്സരം സമനിലയിലായിരുന്നു. 17.3 ഓവറിൽ 5 മെയ്ഡനുൾപ്പെടെ 51 റൺസ് നൽകി 6 വിക്കറ്റ് വീഴ്ത്തി കരിയർ ബെസ്റ്റ് പ്രകടനം പുറത്തെടുന്ന ലങ്കൻ പേസർ അസിത ഫെർണാണ്ടോ യാണ് രണ്ടാം ഇന്നിംഗ്സിൽ ബംഗ്ലാദേശിന്റെ അന്തകനായത്.