SignIn
Kerala Kaumudi Online
Wednesday, 24 April 2024 1.42 PM IST

ഒന്നരവയസുകാരിയെ ബക്കറ്റിൽ മുക്കിക്കൊന്നു, മുത്തശ്ശിയുടെ കാമുകൻ അറസ്റ്റിൽ

kk

കൊച്ചി: എറണാകുളം കലൂരിലെ ഹോട്ടലി​ൽ ഒന്നരവയസുള്ള പെൺകുഞ്ഞിനെ ബക്കറ്രിലെ വെള്ളത്തി​ൽ തലകുത്തി​നി​റുത്തി​ മുക്കിക്കൊന്ന സംഭവത്തിൽ മുത്തശ്ശിയുടെ കാമുകൻ അറസ്റ്റിൽ. പള്ളുരുത്തി പള്ളിച്ചാൽ റോഡിൽ കല്ലേക്കാട് വീട്ടിൽ ജോൺ ബിനോയ് ഡിക്രൂസാണ് (28) പിടിയിലായത്. അങ്കമാലി കോടിശേരി വീട്ടിൽ സജീവിന്റെയും ഡിക്‌സി ഡേവിസിന്റെയും ഇളയമകളായ നോറ മരിയയാണ് കൊല്ലപ്പെട്ടത്. ചൊവ്വാഴ്ച പുലർച്ചെ രണ്ടോടെ കലൂർ ഒലേസി​യ ഹോട്ടലി​ലാണ് സംഭവം.

സജീവി​ന്റെ മാതാവ് സി​പ്‌‌സി​യും ബി​നോയും ഡി​ക്സി​യുടെ രണ്ടു മക്കളെയും കൂട്ടി ഹോട്ടലി​ൽ ശനിയാഴ്ച മുതൽ താമസിച്ചിരുന്നു. കൊല നടക്കുമ്പോൾ ബി​നോയും കുട്ടി​കളും മാത്രമായി​രുന്നു മുറി​യി​ൽ. കൊല നടത്തിയശേഷം ഇയാൾ സിപ്സിയെ വിളിച്ചുവരുത്തുകയായിരുന്നു. തുടർന്ന് ഇരുവരും ചേർന്ന് ലിസി ആശുപത്രിയിലെത്തിച്ചു.
കുട്ടിയുടെ ശിരസിൽ മുലപ്പാൽ കയറി​യെന്നാണ് ഇയാൾ ആശുപത്രിയിൽ പറഞ്ഞതെങ്കി​ലും സംശയംതോന്നി​ പൊലീസിനെ അറിയിച്ചു. തുടർന്ന് എറണാകുളം നോ‌ർത്ത് പൊലീസ് ഇയാളെ കസ്റ്റഡിയിലെടുത്തു. ചോദ്യം ചെയ്യലിൽ കുറ്റംസമ്മതി​ച്ചു. കുഞ്ഞി​ന്റെ പി​തൃത്വം തന്നി​ൽ കെട്ടി​യേൽപ്പി​ക്കാൻ ശ്രമി​ച്ചതാണ് കൊലപ്പെടുത്താൻ കാരണമെന്ന് ഇയാൾ മൊഴി നൽകി.

എറണാകുളം നേവൽബേസിലെ താത്കാലിക ജീവനക്കാരനാണ് ബിനോയ്. കഞ്ചാവ് ഇടപാടുകളുമുണ്ട്. സിപ്സിയുമായി ആറുവർഷം മുമ്പാണ് അടുപ്പത്തിലായത്. കുഞ്ഞി​ന്റെ പി​താവായ സജീവ് അപകടത്തെത്തുടർന്ന് കിടപ്പിലാണ്. മൂന്നുമാസം മുമ്പ് ഡിക്സി വിദേശത്തേക്ക് പോയതിന് പിന്നാലെ രണ്ടു കുട്ടികളേയും ഇവർ ഒപ്പംകൂട്ടി​ വിവിധ ലോഡ്ജുകളിൽ താമസിക്കുകയായി​രുന്നു. ആഴ്ചയിൽ ഒരി​ക്കൽ അങ്കമാലിയിലെ വീട്ടിലേക്ക് പോകും.

വഴിവിട്ട ഇടപാടുകളെല്ലാം നിയന്ത്രിച്ചിരുന്നത് ബിനോയിയാണ്. സിപ്സി പുറത്തുപോകുമ്പോൾ ബിനോയിയാണ് കുട്ടികളെ നോക്കിയിരുന്നത് . വിവരമറിഞ്ഞ് മാതാവ് ഡിക്സി വിദേശത്തുനിന്ന് നാട്ടിലെത്തി. കുഞ്ഞിന്റെ മൃതദേഹം കളമശേരി മെഡിക്കൽ കോളേജിൽ പോസ്റ്റുമോ‌ർട്ടം നടത്തിയശേഷം കറുകുറ്റി​യി​ൽ സംസ്കരി​ച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: CRIME
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.