പത്തനാപുരം: കേരളകോൺഗ്രസ് (ബി) ഒരു കുടുംബത്തിന്റെയോ സമുദായത്തിന്റെയോ പാർട്ടിയല്ലെന്ന് ചെയർമാൻ കെ.ബി. ഗണേശ്കുമാർ എം.എൽ.എ പറഞ്ഞു. പാർട്ടി പത്തനാപുരം മണ്ഡലം സമ്മേളനത്തിലാണ് സഹോദരി ഉഷ മോഹൻദാസ് അടക്കമുള്ളവരെ ഗണേശ്കുമാർ പരോക്ഷമായി വിമർശിച്ചത്. സംസ്ഥാന തലത്തിൽ തലമുറമാറ്റമുണ്ടാകും. പക്ഷേ, പാർട്ടി പിളരില്ല. കേരള കോൺഗ്രസ് ബിക്ക് ശാഖയും ഓഫീസും ആരും പുതുതായി തുറന്നിട്ടില്ല. അപ്പക്കഷ്ണം വീതം വച്ചപ്പോൾ കിട്ടാതെ വന്നവർക്ക് വിട്ടുപോകാം. നിയമപരമായി കേരള കോൺഗ്രസ് ബി ഒന്നേയുള്ളു. വാതിൽ തുറന്നിട്ടിരിക്കുന്നത് എല്ലാവരെയും സ്വാഗതം ചെയ്യാനാണെന്നും ഗണേശ്കുമാർ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |