തിരുവനന്തപുരം: ഓണക്കാലത്ത് സംസ്ഥാനമൊട്ടാകെ 1484 ഫെയറുകൾ നടത്തുമെന്ന് മന്ത്രി ജി.ആർ.അനിൽ നിയമസഭയെ അറിയിച്ചു. ഓണമേളകളിൽ സബ്സിഡി-സബ്സിഡി ഇതര ഉത്പന്നങ്ങൾ ലഭ്യമാക്കും. സപ്ളൈകോ മുഖേന ആഗസ്റ്റ് 11 ന് ആരംഭിച്ച് 20 ന് സമാപിക്കുന്ന തരത്തിലാണ് ജില്ലാതല ഓണച്ചന്തകൾ. 75 താലൂക്ക് ഫെയറുകൾ, നിയമസഭാമണ്ഡലങ്ങൾ കേന്ദ്രീകരിച്ചുള്ള 60 ഓണച്ചന്തകൾ എന്നിവ പ്രമുഖ സപ്ലൈകോ വിൽപ്പനശാലകളോട് അനുബന്ധമായാണ് ഈ വർഷം നടത്തുന്നത്. ഇവ ആഗസ്റ്റ് 16 ന് ആരംഭിച്ച് 20 ന് സമാപിക്കും. ഈ കാലയളവിൽ സപ്ലൈകോയുടെ മറ്റ് വിൽപ്പനശാലകളെല്ലാം ഓണം മിനിഫെയറുകളായി പ്രവർത്തിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |