ഗുരുവായൂർ: ഗുരുവായൂർ ക്ഷേത്രത്തിൽ ഉത്രാടക്കാഴ്ച്ചക്കുല സമർപ്പണം ഇന്ന് നടക്കും. രാവിലെ ശീവേലിക്ക് ശേഷം കൊടിമരച്ചുവട്ടിൽ അരിമാവണിഞ്ഞ തറയിൽ നാക്കിലവെച്ചാണ് കാഴ്ചക്കുല സമർപ്പണം. ക്ഷേത്രം മേൽശാന്തി തിയ്യൂർ ശങ്കരനാരായണ പ്രമോദ് നമ്പൂതിരി ഭഗവാനെ പ്രാർത്ഥിച്ച് ആദ്യകാഴ്ച്ചക്കുല സമർപ്പിക്കും. തുടർന്ന് ഭക്തർ കാഴ്ച്ചക്കുല സമർപ്പിക്കും. ആയിരത്തോളം പഴക്കുലകളാണ് സാധാരണയായി കാഴ്ച്ചക്കുലകളായെത്തുന്നത്. കലഭിക്കുന്ന പഴക്കുലകളിൽ ഒരു വിഹിതം തിരുവോണത്തിന് പഴംപ്രഥമൻ തയാറാക്കാനും ദേവസ്വത്തിലെ ആനകൾക്ക് നൽകാനും മാറ്റും.