തിരുവനന്തപുരം: ഒന്നാം സെമസ്റ്റർ ബി.എസ്സി. ബയോടെക്നോളജി (മൾട്ടിമേജർ) (350), ബി.വോക്. സോഫ്റ്റ്വെയർ ഡെവലപ്പ്മെന്റ് (351), ബി.വോക്. ടൂറിസം ആൻഡ് ഹോസ്പിറ്റാലിറ്റി മാനേജ്മെന്റ് (352) എന്നീ കോഴ്സുകളുടെ പരീക്ഷാഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 31 വരെ ഓൺലൈനായി അപേക്ഷിക്കാം.
ഒന്നാം സെമസ്റ്റർ സി.ബി.സി.എസ്. ബി കോം. (റഗുലർ - 2020 അഡ്മിഷൻ, ഇംപ്രൂവ്മെന്റ്/സപ്ലിമെന്ററി - 2019 അഡ്മിഷൻ, സപ്ലിമെന്ററി 2015 - 2018 അഡ്മിഷൻ, മേഴ്സിചാൻസ് - 2013 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും ഓൺലൈനായി 30 വരെ അപേക്ഷിക്കാം.
ടൈംടേബിൾ
ആറാം സെമസ്റ്റർ സി.ബി.സി.എസ്. ബി.എ./ബി.എസ്സി./ബി കോം. (എഫ്.ഡി.പി.) (റെഗുലർ 2019 അഡ്മിഷൻ, സപ്ലിമെന്ററി 2018 & 2017 അഡ്മിഷൻ, മേഴ്സിചാൻസ് 2014 അഡ്മിഷൻ) പരീക്ഷയുടെ ടൈംടേബിൾ പ്രസിദ്ധീകരിച്ചു.
ആരോഗ്യ സർവകലാശാല വാർത്തകൾ
രജിസ്ട്രേഷൻ
രണ്ടാം വർഷ ബി.എസ്.സി മെഡിക്കൽ ബയോ കെമിസ്ട്രി ഡിഗ്രി റഗുലർ/സപ്ലിമെന്ററി പരീക്ഷയ്ക്ക് മുപ്പത് വരെ ഓൺലൈനായി രജിസ്റ്റർ ചെയ്യാം. സൂപ്പർഫൈനോടെ ഏപ്രിൽ രണ്ട് വരെയും ഓൺലൈൻ രജിസ്ട്രേഷൻ നടത്താം.
ഒന്നാം വർഷ ബി.എസ്.സി ഡയാലിസിസ് ടെക്നോളജി ഡിഗ്രി റെഗുലർ/സപ്ലിമെന്ററി തിയറി പരീക്ഷാ ടൈംടേബിൾ പുനഃക്രമീകരിച്ച് പ്രസിദ്ധീകരിച്ചു.
രണ്ടാം വർഷ പോസ്റ്റ് ബേസിക് ബി.എസ്.സി നഴ്സിംഗ് ഡിഗ്രി റെഗുലർ/സപ്ലിമെന്ററി (2016 ആൻഡ് 2010 സ്കീം) തിയറി പരീക്ഷാ ടൈംടേബിൾ പുനഃക്രമീകരിച്ച് പ്രസിദ്ധീകരിച്ചു.
ഫലം പ്രസിദ്ധീകരിച്ചു.
ജനുവരിയിൽ പരീക്ഷ നടത്തി ഫലപ്രഖ്യാപനം നടത്തിയ ഒന്നാം വർഷ പോസ്റ്റ് ബേസിക് ബി.എസ്.സി നഴ്സിംഗ് ഡിഗ്രി സപ്ലിമെന്ററി പരീക്ഷയുടെ റീടോട്ടലിംഗ് ഫലം പ്രസിദ്ധീകരിച്ചു.
സ്പെഷ്യൽ അലോട്ട്മെന്റ് 24 ന്
തിരുവനന്തപുരം: ബി.എസ്സി നഴ്സിംഗ്, പാരാമെഡിക്കൽ കോഴ്സുകളിലേക്ക് സ്പെഷ്യൽ അലോട്ട്മെന്റ് 24 ന് നടത്തും. ഓൺലൈൻ രജിസ്ട്രേഷനും പുതിയ കോളേജ്/കോഴ്സ് ഓപ്ഷൻ സമർപ്പണവും www.lbscentre.kerala.gov.in ൽ 22 മുതൽ 23ന് വൈകിട്ട് 5 വരെ നടത്താം. ഫോൺ- 0471-2560363,64.
പി.എസ്.സി അഭിമുഖം
തിരുവനന്തപുരം: കേരള മോട്ടോർ ട്രാൻസ്പോർട്ട് വർക്കേഴ്സ് വെൽഫയർ ഫണ്ട് ബോർഡിൽ കോൺഫിഡൻഷ്യൽ അസിസ്റ്റന്റ് (കാറ്റഗറി നമ്പർ 108/2017) തസ്തികയിലേക്ക് 2022 മാർച്ച് 23, 24 തീയതികളിൽ പി.എസ്.സി ഓഫീസിൽ വച്ച് അഭിമുഖം നടത്തും. അറിയിപ്പ് ലഭിക്കാത്തവർ എൽ.ആർ.1 വിഭാഗവുമായി ബന്ധപ്പെടണം (0471 2546242).
തിരുവനന്തപുരം ജില്ലയിൽ എൻ.സി.സി./സൈനിക ക്ഷേമ വകുപ്പിൽ ലാസ്റ്റ് ഗ്രേഡ് സെർവന്റ്സ് (പട്ടികജാതി/പട്ടികവർഗം) വിമുക്തഭടൻമാർ മാത്രം (കാറ്റഗറി നമ്പർ 260/2020) തസ്തികയിലേക്ക് 2022 മാർച്ച് 23ന് രാവിലെ 9 മണിയ്ക്ക് പി.എസ്.സി ഓഫീസിൽ വച്ച് അഭിമുഖം നടത്തും. ഹാജരാകുന്നവർ പി.എസ്.സിയുടെ വെബ്സൈറ്റിൽ നിന്നും കൊവിഡ് 19 ചോദ്യാവലി ഡൗൺലോഡ് ചെയ്ത് പൂരിപ്പിച്ച് അപ്ലോഡ് ചെയ്യേണ്ടതാണ്.
പ്രമാണ പരിശോധന
തിരുവനന്തപുരം ജില്ലയിൽ എൻ.സി.സി./സൈനിക ക്ഷേമവകുപ്പിൽ ക്ലർക്ക് (പട്ടികജാതി/പട്ടികവർഗം) - വിമുക്തഭടൻമാർ മാത്രം (കാറ്റഗറി നമ്പർ 90/2021) തസ്തികയിലേക്കുള്ള സാദ്ധ്യത പട്ടികയിലുൾപ്പെട്ടവർക്ക് 2022 മാർച്ച് 23ന് രാവിലെ 10.30ന് പി.എസ്.സി തിരുവനന്തപുരം ജില്ലാ ഓഫീസിൽ വച്ച് പ്രമാണപരിശോധന നടത്തും. കൂടുതൽ വിവരങ്ങൾ പ്രൊഫൈലിൽ ലഭിക്കും. സംശയനിവാരണത്തിന് ബന്ധപ്പെടേണ്ട നമ്പർ 0471 2546410.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |