തിരുവനന്തപുരം: സെപ്തംബർ 20ന് തുടങ്ങുന്ന രണ്ടാം സെമസ്റ്റർ കരിയർ റിലേറ്റഡ് ബി.എ/ബി.എസ്സി/ബി.കോം/ബി.പി.എ/ബി.ബി.എ/ബി.സി.എ/ബി.എസ്.ഡബ്ള്യു/ബി.വോക് സി.ബി.സി.എസ്.എസ് (സി. ആർ ) (റെഗുലർ 2021 അഡ്മിഷൻ, ഇംപ്രൂവ്മെന്റ്/സപ്ലിമെന്ററി 2020 അഡ്മിഷൻ, & 2017, 2018 ആൻഡ് 2019 അഡ്മിഷൻസ് സപ്ലിമെന്ററി), (2013, 2014, 2015 & 2016 അഡ്മിഷൻസ് മേഴ്സി ചാൻസ്), രണ്ടാം സെമസ്റ്റർ ബി. എ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ, 14ന് തുടങ്ങുന്ന നാലാം സെമസ്റ്റർ എം.ബി.എ റെഗുലർ (2020 സ്കീം,2020 അഡ്മിഷൻ) ആൻഡ് സപ്ലിമെന്ററി (2018 സ്കീം- 2018 & 2019 അഡ്മിഷൻ), ഈ മാസം നടക്കുന്ന 2,4,6, 8, 10 സെമസ്റ്റർ പഞ്ചവത്സര എം.ബി.എ ഇന്റഗ്രേറ്റഡ് (2015 സ്കീം / റെഗുലർ & സപ്ലിമെന്ററി) പരീക്ഷാടൈംടേബിളുകൾ പ്രസിദ്ധീകരിച്ചു.
പരീക്ഷാകേന്ദ്രം മാറി
സെപ്റ്റംബർ 13 നുള്ള ബി.കോം ആന്വൽ സ്കീം (പാർട്ട് ഒന്ന്, രണ്ട് ) പരീക്ഷയ്ക്ക് തിരുവനന്തപുരം യൂണിവേഴ്സിറ്റി കോളേജ് പരീക്ഷാകേന്ദ്രമായി തിരഞ്ഞെടുത്തവർ മുളയറ ബിഷപ്പ് യേശുദാസൻ സി.എസ്.ഐ ആർട്സ് ആൻഡ് സയൻസ് കോളേജ് പരീക്ഷ എഴുതണം. കൊല്ലം ഫാത്തിമ മാതാ നാഷണൽ കോളേജ് തിരഞ്ഞെടുത്തവർ കൊല്ലം ടി.കെ.എം കോളേജ് ഓഫ് ആർട്സ് ആൻഡ് സയൻസ് കോളേജിൽ പരീക്ഷ എഴുതണം.
ജനുവരിയിൽ നടത്തിയ ആറാം സെമസ്റ്റർ ഇന്റഗ്രേറ്റഡ് എൽ.എൽ.ബി പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവർ ഫോട്ടോ പതിച്ച തിരിച്ചറിയൽ കാർഡും ഹാൾ ടിക്കറ്റുമായി 13,14, 15 തീയതികളിൽ ഇജെ 10സെക്ഷനിൽ എത്തിച്ചേരണം.
എം.ഫിൽ ഇസ്ലാമിക് ഹിസ്റ്ററി (2020-21 ബാച്ച്) തിരുവനന്തപുരം യൂണിവേഴ്സിറ്റി കോളേജ് വിദ്യാർത്ഥികളുടെ പരീക്ഷാഫലം പ്രസിദ്ധീകരിച്ചു.
മൂന്നാംവർഷ ബി.എച്ച്.എം.എസ് (1982 സ്കീം മേഴ്സി ചാൻസ്) പരീക്ഷ 14 ന് തുടങ്ങും.
പി.എസ്.സി മാറ്റി വച്ച പരീക്ഷകളുടെ സമയക്രമം
തിരുവനന്തപുരം: സെപ്തംബർ 15 ലേക്ക് മാറ്റിയ മെഡിക്കൽ വിദ്യാഭ്യാസ വകുപ്പ്, ഇൻഫർമേഷൻ ആൻഡ് പബ്ലിക് റിലേഷൻ വകുപ്പ് എന്നിവിടങ്ങളിലെ ആർട്ടിസ്റ്റ് (കാറ്റഗറി നമ്പർ 11/2021, 132/2021) തസ്തികയിലേക്കുള്ള ഓൺലൈൻ പരീക്ഷ രാവിലെ 9 മുതൽ 11.30 വരെയും മെഡിക്കൽ എഡ്യുക്കേഷൻ സർവീസിൽ ചെയർ സൈഡ് അസിസ്റ്റന്റ് (കാറ്റഗറി നമ്പർ 395/2019), പൊലീസ് (മോട്ടോർ ട്രാൻസ്പോർട്ട് വിംഗ്) വകുപ്പിൽ മോട്ടോർ ട്രാൻസ്പോർട്ട് ഇൻസ്പെക്ടർ (ടെക്നിക്കൽ) (കാറ്റഗറി നമ്പർ 482/2019) തസ്തികകളിലേക്കുള്ള ഓൺലൈൻ പരീക്ഷ ഉച്ചയ്ക്ക് 1 മുതൽ വൈകിട്ട് 3.30 വരെയും നടത്തും. പരീക്ഷാകേന്ദ്രത്തിന് മാറ്റമില്ല.
അഭിമുഖം
കേരള സംസ്ഥാന പട്ടികജാതി/പട്ടികവർഗ വികസന കോർപ്പറേഷൻ ലിമിറ്റഡിൽ ജില്ലാ മാനേജർ (കാറ്റഗറി നമ്പർ 241/2018) തസ്തികയിലേക്ക് 14 ന് രാവിലെ 8 മുതൽ പി.എസ്.സി ആസ്ഥാന ഓഫീസിൽ പ്രമാണപരിശോധനയും അഭിമുഖവും നടത്തും. കൂടുതൽ വിവരങ്ങൾക്ക് ആസ്ഥാന ഓഫീസിലെ എൽ.ആർ. 2 വിഭാഗവുമായി ബന്ധപ്പെടണം (0471 - 2546434).
വകുപ്പുതല വാചാപരീക്ഷാഫലം
2022 ജനുവരി വിജ്ഞാപനപ്രകാരമുള്ള വകുപ്പുതല പരീക്ഷയുമായി ബന്ധപ്പെട്ട് കാഴ്ചവൈകല്യമുള്ള ഉദ്യോഗസ്ഥർക്കായി ആഗസ്റ്റ് 5, 25 തീയതികളിൽ നടത്തിയ വാചാപരീക്ഷയുടെ ഫലം വെബ്സൈറ്റിൽ.
ഫുഡ് കോർപ്പറേഷനിൽ
5043 നിയമനങ്ങൾ
ന്യൂഡൽഹി: ഫുഡ് കോർപ്പറേഷൻ ഒഫ് ഇന്ത്യ (എഫ്.സി.ഐ) 5043 നോൺ എക്സിക്യുട്ടീവ് തസ്തികകളിലേക്ക് അപേക്ഷ ക്ഷണിച്ചു. ജൂനിയർ എൻജിനിയർ (സിവിൽ), ജൂനിയർ എൻജിനിയർ (ഇലക്ട്രിക്കൽ മെക്കാനിക്കൽ), സ്റ്റെനോഗ്രാഫർ, അസിസ്റ്റന്റ് ഗ്രേഡ്- 3 (ജനറൽ), അസി.ഗ്രേഡ്- 3 (അക്കൗണ്ട്സ്), അസി. ഗ്രേഡ്- 3 (ടെക്നിക്കൽ), അസി. ഗ്രേഡ് - 3 (ഡിപ്പൊട്ട്), അസി.ഗ്രേഡ്- 3 (ഹിന്ദി) തുടങ്ങിയ പോസ്റ്റുകളിലാണ് നിയമനം. നോർത്ത് സോൺ: 2388, സൗത്ത് സോൺ: 989, ഈസ്റ്റ് സോൺ: 768, വെസ്റ്റ് സോൺ: 713, നോർത്ത് ഈസ്റ്റ്: 185 എന്നിങ്ങനെയാണ് ഒഴിവുകൾ. എഫ്.സി.ഐയുടെ ഒൗദ്യോഗിക വെബ് സൈറ്റായ recruitmentfci.in ൽ വിശദവിവരങ്ങൾ മനസിലാക്കി ഓൺലൈനായി അപേക്ഷിക്കാം. സെപ്തംബർ 6 മുതൽ ഒക്ടോബർ 5 വരെ അപേക്ഷിക്കാം. രണ്ടുഘട്ടമായാണ് പരീക്ഷ. 500 രൂപയാണ് പരീക്ഷാഫീസ്.
ഗസ്റ്റ് ഇൻസ്ട്രക്ടർ ഒഴിവ്
തിരുവനന്തപുരം: ബാർട്ടൺഹിൽ ഗവ. എൻജിനിയറിംഗ് കോളജിൽ ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് വിഭാഗത്തിൽ ദിവസ വേതനാടിസ്ഥാനത്തിൽ ഗസ്റ്റ് ഇൻസ്ട്രക്ടർ ഗ്രേഡ് 1 തസ്തികയിൽ ഒരു ഒഴിവുണ്ട്. www.gecbh.ac.in ൽ 11നകം അപേക്ഷിക്കണം. 60 ശതമാനം മാർക്കോടെ ഇലക്ട്രിക്കൽ ആൻഡ് ഇലക്ട്രോണിക്സ് ബിരുദം നേടിയവർക്ക് അപേക്ഷിക്കാം. ഫോൺ: 0471-2300484.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |