തിരുവനന്തപുരം: തിരുവിതാംകൂർ ദേവസ്വം ബോർഡിലെ എൽ.ഡി ക്ലാർക്ക് / സബ് ഗ്രൂപ്പ് ഓഫീസർ ഗ്രേഡ് 2 (കാറ്റഗറി നമ്പർ : 08 / 2022 ) തസ്തികയിലേക്ക് ഓൺലൈനായി അപേക്ഷിക്കാനുള്ള അവസാന തീയതി 30 ആണ്. എല്ലാ ജില്ലകളിലും പരീക്ഷ നടക്കുന്ന തസ്തികയിലേക്ക് അവസാന ദിവസത്തെ തിരക്ക് ഒഴിവാക്കാൻ ഓൺലൈനിൽ നേരത്തെ അപേക്ഷ സമർപ്പിക്കണമെന്ന് ദേവസ്വം റിക്രൂട്ട്മെന്റ് ബോർഡ് ചെയർമാൻ അറിയിച്ചു.
വിദ്യാധന സ്കോളർഷിപ്പിന്
അപേക്ഷ ക്ഷണിച്ചു
കൊച്ചി: ഇൻഫോസിസ് സഹസ്ഥാപകനും മുൻ സി.ഇ.ഒയുമായ എസ്.ഡി. ഷിബുലാൽ മാതാപിതാക്കളുടെ സ്മരണയ്ക്കായി രൂപംനൽകിയ സരോജിനി - ദാമോദരൻ ഫൗണ്ടേഷൻ നൽകുന്ന പ്ലസ് വൺ പഠനത്തിനുള്ള വിദ്യാധന സ്കോളർഷിപ്പിന് അപേക്ഷ ക്ഷണിച്ചു.
2022ലെ എസ്.എസ്.എൽ.സി പരീക്ഷയിൽ ഫുൾ എ പ്ളസ് അല്ലെങ്കിൽ 9 A പ്ളസും ഒരു A ഗ്രേഡും നേടിയ, വാർഷിക വരുമാനപരിധി രണ്ടുലക്ഷം രൂപയിൽ താഴെയുള്ള കുടുംബങ്ങളിലെ വിദ്യാർത്ഥികൾ ഓൺലൈനായി അപേക്ഷിക്കണം. അവസാന തീയതി ജൂലായ് 15. ഭിന്നശേഷി ശാരീരിക വൈകല്യവുമുള്ള വിദ്യാർത്ഥികൾക്ക് എല്ലാ വിഷയങ്ങൾക്കും എ ഗ്രേഡ് മതിയാകും.
വിവരങ്ങൾക്ക്: 9447169905. വെബ്സൈറ്റ്: www.vidyadhan.org/apply
വിസ്മയാസ് മാക്സിൽ അഡ്മിഷൻ ആരംഭിച്ചു
തിരുവനന്തപുരം: മോഹൻലാലിന്റെ വിസ്മയാസ്മാക്സ് അനിമേഷൻസിൽ ബി.എസ്സി, എം. എസ്സി അനിമേഷൻ വിഷ്വൽ എഫക്ട്സ് കോഴ്സിലേക്കുള്ള അഡ്മിഷൻ ആരംഭിച്ചു. കേന്ദ്രസർക്കാരിന്റെ മീഡിയ ആൻഡ് എന്റർടടെയ്ൻമെന്റ് വിഭാഗത്തിന്റെ അംഗീകാരമായ 'സെന്റർ ഒഫ് എക്സലൻസ്' പദവിയുള്ള വിസ്മയാസ്മാക്സിന്റെ തിരുവനന്തപുരത്തെ കാമ്പസിൽ മൂന്നു വർഷത്തെ അന്താരാഷ്ട്ര സിലബസിലുള്ള പരിശീലനത്തിന് ഹോസ്റ്റൽ സൗകര്യവും മികച്ച പ്രൊഡക്ഷൻ ഇന്റേൺഷിപ്പ് ട്രെയിനിംഗും വിദ്യാഭ്യസ വായ്പാ സൗകര്യവുമുണ്ട്. എൻ.എസ്.ഡി.സി അംഗീകാരമുള്ള ഈ കോഴ്സിൽ ചേരാനായി ബന്ധപ്പെടേണ്ട ഫോൺ നമ്പർ: 8281702020, 7593886600. ഓൺലൈൻ ആപ്ലിക്കേഷൻ ഫോമിനായി www.vismayasmaxanimations.com സന്ദർശിക്കുക.
പ്രവേശന ഫീസ് റീഫണ്ട്
തിരുവനന്തപുരം: മെഡിക്കൽ / മെഡിക്കൽ അനുബന്ധ കോഴ്സുകളിലെ (കീം 2021 ) പ്രവേശന ഫീസ് റീഫണ്ടിന് അർഹതയുള്ള വിദ്യാർത്ഥികൾക്ക് ബാങ്ക് അക്കൗണ്ട് വിവരങ്ങൾ ഓൺലൈനായി 26 മുതൽ 30 വരെ സമർപ്പിക്കാം. ഫോൺ : 04712525300.
കോളേജ് അദ്ധ്യാപകർക്ക് പരിശീലനം
തിരുവനന്തപുരം: കോളേജ് അദ്ധ്യാപകർക്ക് ഓൺലൈൻ വിദ്യാഭ്യാസ രീതിയിൽ സാങ്കേതികപരിജ്ഞാനം വർദ്ധിപ്പിക്കുന്നതിനും മൂഡിൽ അധിഷ്ഠിതമായ ലേണിംഗ് മാനേജ്മെന്റ് സിസ്റ്റം (എൽ. എം. എസ്) നടപ്പിലാക്കുന്നതിനുമായുള്ള ഡിജികോൾ പദ്ധതിയുടെ ഭാഗമായി, അദ്ധ്യാപക പരിശീലന പരിപാടി ജൂലായ് ആദ്യവാരം ആരംഭിക്കും. കോളേജ് പ്രിൻസിപ്പൽമാർ mskshec@gmail.com ഇ-മെയിലിൽ വിവരം നൽകണം. ഫോൺ- 7561018708
ബി.ടെക് എൻ.ആർ.ഐ പ്രവേശനം
തിരുവനന്തപുരം: കോ-ഓപ്പറേറ്റീവ് അക്കാഡമി ഒഫ് പ്രൊഫഷണൽ എഡ്യൂക്കേഷന്റെ (കേപ്പ്) കീഴിലുളള മുട്ടത്തറ, പെരുമൺ, പത്തനാപുരം, പുന്നപ്ര, ആറൻമുള, കിടങ്ങൂർ, വടകര, തലശ്ശേരി, തൃക്കരിപ്പൂർ എൻജിനിയറിംഗ് കോളേജുകളിൽ ബി.ടെക് കോഴ്സിന് എൻ.ആർ.ഐ സീറ്റുകളിൽ ഓൺലൈൻ വഴി പ്രവേശനത്തിന് ക്ഷണിച്ചു. www.capekerala.org വെബ്സൈറ്റിൽ അപേക്ഷിക്കാം. പ്രോസ്പെക്ടസും അപേക്ഷാഫോറവും കേപ്പിന്റെ ഔദ്യോഗിക വെബ്സൈറ്റായ www.capekerala.orgൽ നിന്നോ കോളേജുകളുടെ വെബ്സൈറ്റിൽ നിന്നോ ഡൗൺലോഡ് ചെയ്യാം. പ്രവേശന പരീക്ഷ എഴുതാത്തവർക്കും അപേക്ഷിക്കാം. ഫോൺ: 0471 2316236/ 9745390261.
നഴ്സറി ടീച്ചേഴ്സ് എഡ്യുക്കേഷൻ കോഴ്സ്
തിരുവനന്തപുരം: നഴ്സറി ടീച്ചേഴ്സ് എഡ്യുക്കേഷൻ കോഴ്സിന്റെ (NTEC) 2021-22ലെ ഒന്നാം വർഷ, രണ്ടാം വർഷ പരീക്ഷകളുടെ വിജ്ഞാപനം പരീക്ഷാഭവന്റെ www.keralapareekshabhavan.in, https://pareekshabhavan.kerala.gov.in എന്നീ വെബ്സൈറ്റുകളിൽ പ്രസിദ്ധീകരിച്ചിട്ടുണ്ടെന്ന് പരീക്ഷാ വിഭാഗം ജോയിന്റ് കമ്മീഷണർ അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |