തിരുവനന്തപുരം: തിരുവനന്തപുരം ജില്ലയിൽ വനം വന്യജീവി വകുപ്പിൽ ബീറ്റ് ഫോറസ്റ്റ് ഓഫീസർ (വനാശ്രിതരായ ആദിവാസിവിഭാഗത്തിലെ പട്ടികവർഗക്കാർ),(വനം വകുപ്പിൽ ദിവസവേതനാടിസ്ഥാനത്തിൽ ജോലി ചെയ്യുന്ന ആദിവാസിവിഭാഗത്തിലെ പട്ടികവർഗക്കാർ),​(കാറ്റഗറി നമ്പർ 92/2022,93/2022) തസ്തികയിലേക്ക് 14,15,16 തീയതികളിൽ പി.എസ്.സി ആസ്ഥാന ഓഫീസിൽ അഭിമുഖം നടത്തും.

സർട്ടിഫിക്കറ്റ് പരിശോധന

കേരള സംസ്ഥാന സഹകരണ മാർക്കറ്റിംഗ് ഫെഡറേഷൻ ലിമിറ്റഡിൽ (മാർക്കറ്റ്‌ഫെഡ്) കെമിസ്റ്റ് (ജനറൽ വിഭാഗം),​(കാറ്റഗറി നമ്പർ 305/2021) തസ്തികയിലേക്കുള്ള ചുരുക്കപട്ടികയിലുൾപ്പെട്ടവർക്ക് 14ന് രാവിലെ 10.30ന് പി.എസ്.സി ആസ്ഥാന ഓഫീസിൽ പ്രമാണപരിശോധന നടത്തും. ഇത് സംബന്ധിച്ച് ഉദ്യോഗാർത്ഥികൾക്ക് എസ്.എം.എസ്,പ്രൊഫൈൽ സന്ദേശം എന്നിവ നൽകിയിട്ടുണ്ട്. കോളേജ് വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ (ഫിലോസഫി),​(കാറ്റഗറി നമ്പർ 302/2019) തസ്തികയിലേക്ക് 19നും അസിസ്റ്റന്റ് പ്രൊഫസർ (സുവോളജി),​(കാറ്റഗറി നമ്പർ 295/2019) തസ്തികയിലേക്ക് 20നും രാവിലെ 10.30ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.