ന്യൂഡൽഹി: സിൽവർലൈൻ പദ്ധതിയിൽ ഭരണഘടനാവിരുദ്ധമായി എന്തെങ്കിലും സംഭവിച്ചാൽ ഇടപെടുമെന്ന് കേരള ഗവർണർ ആരിഫ് മുഹമ്മദ് ഖാൻ പറഞ്ഞു. ഡൽഹിയിൽ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. ഗവർണർ നിയമനം സംബന്ധിച്ച് രാജ്യസഭയിൽ സി.പി.എം അവതരിപ്പിച്ച സ്വകാര്യ ബില്ലിനെക്കുറിച്ച് ചോദിച്ചപ്പോൾ ബില്ല് അവതരിപ്പിക്കാൻ എല്ലാ അംഗങ്ങൾക്കും അവകാശമുണ്ടെന്നായിരുന്നു അദ്ദേഹത്തിന്റെ പ്രതികരണം.