തിരുവനന്തപുരം: കേരളസർവകലാശാല മാർച്ചിൽ നടത്തിയ മൂന്നാം സെമസ്റ്റർ എം.എ/എം.എസ് സി/എം.കോം/എം.എസ്.ഡബ്ല്യൂ/എം.എം.സി.ജെ.പരീക്ഷകളുടെ ഫലം പ്രസിദ്ധീകരിച്ചു.സൂക്ഷ്മപരിശോധനയ്ക്ക് 22വരെ അപേക്ഷിക്കാം.

രണ്ടാം സെമസ്റ്റർ എം.സി.എ(2020 സ്‌കീം, 2020 അഡ്മിഷൻ),ഏപ്രിൽ 2022 പരീക്ഷാഫലം പ്രസിദ്ധീകരിച്ചു.

20 മുതൽ നടത്താൻ തീരുമാനിച്ചിരുന്ന നാലാംസെമസ്റ്റർ ബി.എസ് സി ബോട്ടണി ആൻഡ് ബയോടെക്‌നോളജി (247) കോഴ്സിന്റെ (കോംപ്ലിമെന്ററി-ബയോകെമിസ്ട്രി),ബി.എസ് സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി (248) കോഴ്സിന്റെ (കോർ-ബയോകെമിസ്ട്രി),(വൊക്കേഷണൽ-മൈക്രോബയോളജി) എന്നവയുടെ പ്രാക്ടിക്കൽ പരീക്ഷകൾ മാറ്റിവച്ചു.

18 മുതൽ നടത്താൻ നിശ്ചയിച്ചിരുന്ന നാലാം സെമസ്റ്റർ ബി.എസ് സി ബോട്ടണി ആൻഡ് ബയോടെക്‌നോളജി (247),ബി.എസ് സി ബയോടെക്‌നോളജി (മൾട്ടി മേജർ),(350) കോഴ്സുകളുടെ ബയോടെക്നിക്സ്,ബോട്ടണി,സുവോളജി,കോംപ്ലിമെന്ററി എന്നിവയുടെ പ്രാക്ടിക്കൽ പരീക്ഷകൾ മാറ്റിവച്ചു.

നാലാം സെമസ്റ്റർ എം.എ./എം.എസ് സി./എം.കോം./എം.എസ്.ഡബ്ല്യൂ ന്യൂജനറേഷൻ ഡിഗ്രി പരീക്ഷകളുടെ പ്രോജക്ട് സമർപ്പിക്കാനുളള അവസാന തീയതി നീട്ടി.പുതുക്കിയ തീയതി പിന്നീട് അറിയിക്കും.

മാർച്ചിൽ നടത്തിയ മൂന്നാം സെമസ്റ്റർ എം.എ./എം.എസ് സി./എം.കോം പരീക്ഷകൾക്ക് രജിസ്റ്റർ ചെയ്ത് കൊവിഡ് കാരണം എഴുതാൻ സാധിക്കാത്ത വിദ്യാർത്ഥികൾക്ക് സ്‌പെഷ്യൽ പരീക്ഷയ്ക്ക് അപേക്ഷിക്കാം.വിദ്യാർത്ഥികൾ അവരുടെ പേര്,കാൻഡിഡേറ്റ് കോഡ്,പ്രോഗ്രാമിന്റെ കോഴ്സ് കോഡ് എന്നിവ അടങ്ങുന്ന അപേക്ഷ ആരോഗ്യവകുപ്പിന്റെയോ,തദ്ദേശസ്വയംഭരണ സ്ഥാപനത്തിന്റെയോ സാക്ഷ്യപത്രങ്ങൾ സഹിതം 20നകം അതതു പ്രിൻസിപ്പിൽമാർക്ക് സമർപ്പിക്കണം.

നവംബർ 8 ന് ആരംഭിക്കുന്ന ഒന്നാം വർഷ ബി.ബി.എ. ആന്വൽ സ്‌കീം-പ്രൈവറ്റ് രജിസ്‌ട്രേഷൻ (റെഗുലർ-2021 അഡ്മിഷൻ,ഇംപ്രൂവ്‌മെന്റ്/സപ്ലിമെന്ററി-2020 അഡ്മിഷൻ,സപ്ലിമെന്ററി-2018 ആൻഡ് 2019 അഡ്മിഷൻ) പരീക്ഷയുടെ ടൈംടേബിൾ പ്രസിദ്ധീകരിച്ചു.