SignIn
Kerala Kaumudi Online
Friday, 29 March 2024 4.04 PM IST

കെ.എസ്.ഇ.ബിക്ക് നഷ്ടം ദിവസം 71.50 ലക്ഷം,​ ഒരു യൂണിറ്റ് വൈദ്യുതി നൽകുമ്പോൾ 11 പൈസ നഷ്ടം

kseb

തിരുവനന്തപുരം: കെ.എസ്.ഇ.ബി ദിവസവും 71.50 ലക്ഷം രൂപയുടെ നഷ്ടം സഹിച്ചാണ് വൈദ്യുതി വിതരണം ചെയ്യുന്നതെന്ന് വൈദ്യുതിനിരക്ക് കൂട്ടാനുള്ള അപേക്ഷ റെഗുലേറ്ററി കമ്മിഷന് നൽകുന്നതിന് മുന്നോടിയായി നടത്തിയ കണക്കെടുപ്പിൽ പറയുന്നു. ഡിസംബർ 25ന് താരിഫ് പെറ്റീഷൻ ഫയൽ ചെയ്യും.

ഒരു യൂണിറ്റ് വൈദ്യുതി നൽകുമ്പോൾ 11 പൈസയാണ് നഷ്ടം. ഇതുവച്ചാണ് പ്രതിദിനം 71.50ലക്ഷം രൂപയുടെ നഷ്ടം കണക്കാക്കിയത്. സംസ്ഥാനത്ത് ഒന്നേകാൽ കോടി ഉപഭോക്താക്കൾക്ക് ദിവസം വേണ്ടത് 3800 മെഗാവാട്ട് വൈദ്യുതിയാണ്. ഇവിടെ ഉത്പാദിപ്പിക്കുന്നതാകട്ടെ കേവലം 1650 മെഗാവാട്ടും. ശേഷിക്കുന്നതത്രയും വൻ തുകയ്ക്ക് പുറത്തു നിന്ന് കൊണ്ടുവരികയാണ്.

60 ശതമാനവും ഗാർഹിക ഉപഭോക്താക്കളാണ്. രാത്രികാലത്തെ അമിത വൈദ്യുതി ഉപഭോഗം കാരണം 300 മെഗാവാട്ടിന്റെ കമ്മിയാണ് ദിവസവും. രാത്രികാല വൈദ്യുതിക്ക് കൂടിയ നിരക്ക് അനുവദിക്കണമെന്ന് അതിനാൽ കമ്മിഷനോട് ആവശ്യപ്പെടും.

ദുർബല വിഭാഗങ്ങൾക്ക് സൗജന്യമായും കർഷകർക്കും മറ്റും കുറഞ്ഞ നിരക്കിലും വൈദ്യുതി നൽകുന്നതു മൂലവും നഷ്ടമുണ്ട്. ഇതിന് പുറമെയാണ് കുടിശികയും വരവും ചെലവും തമ്മിലുള്ള അന്തരം റെഗുലേറ്ററി കമ്മിഷൻ അംഗീകാരിക്കാത്തത് മൂലമുള്ള അധിക ബാദ്ധ്യത.

നിരക്ക് കൂട്ടിയപ്പോൾ കിട്ടിയ പ്രതിവർഷ വരുമാന വർദ്ധന

 2012 :1652 കോടിരൂപ

 2013 : 642 കോടിരൂപ

 2014: 963 കോടിരൂപ

 2017: 550 കോടിരൂപ

 2019 : 962 കോടിരൂപ

ഒരുവർഷ വരവും ചെലവും

 വരവ് - 12612 കോടി രൂപ

ചെലവ്

 ശമ്പളവും പെൻഷനും- 4700 കോടി

 വൈദ്യുതി വാങ്ങാൻ- 9200 കോടി

 നഷ്ടം- 1288 കോടി

 3200 കോടി

പിരിഞ്ഞുകിട്ടാനുള്ളത്

 12419 കോടി

പെൻഷൻ ഫണ്ടിലേക്ക് കൊടുക്കാനുള്ളത്

തെളിവെടുപ്പിന് ശേഷം വർദ്ധന

 ഡിസംബർ 31ന് മുമ്പ് വൈദ്യുതി റെഗുലേറ്ററി കമ്മിഷന് അപേക്ഷ നൽകണം

 ജനുവരി ആദ്യം ഇത് റെഗുലേറ്ററി കമ്മിഷൻ വെബ്സൈറ്റിൽ പരസ്യപ്പെടുത്തും

 ജനുവരി,ഫെബ്രുവരി മാസങ്ങളിൽ വിവിധ സ്ഥലങ്ങളിൽ പൊതു തെളിവെടുപ്പ്

 സർക്കാരിന്റേതുൾപ്പെടെ അഭിപ്രായം വിശകലനം ചെയ്ത് അന്തിമ നിലപാട്

 മാർച്ചിൽ നിരക്ക് വർദ്ധന പ്രഖ്യാപിക്കും. ഏപ്രിൽ ഒന്നിന് പ്രാബല്യത്തിൽ

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: KSEB
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.