തിരുവനന്തപുരം: വൈദ്യുതി ലാഭിക്കുന്നതുമായി ബന്ധപ്പെട്ട ഐ.എസ്.ഒ സർട്ടിഫിക്കേഷൻ, ഊർജ സംരക്ഷണ ഓഡിറ്റ് പരിപാടി എന്നിവയിൽ ഉൾപ്പെട്ടവർക്കായി എനർജി മാനേജ്മെന്റ് സെന്റർ വിവിധ ധനസഹായ പദ്ധതികൾ പ്രഖ്യാപിച്ചു.

ഐ.എസ്.ഒ 50001 സർട്ടിഫിക്കേഷൻ നടപ്പാക്കുന്നതിന് സർക്കാർ,​ പൊതുമേഖലാ സ്ഥാപനങ്ങൾക്ക് ഒരു ലക്ഷം രൂപാവരെയും സ്വകാര്യസ്ഥാപനങ്ങൾക്ക് അമ്പതിനായിരം രൂപാവരെയും സഹായം ലഭിക്കും.

ഊർജ ഓഡിറ്റ് നിർബന്ധമാക്കിയിട്ടുള്ള സർക്കാർ വ്യവസായങ്ങൾക്കും സ്ഥാപനങ്ങൾക്കും എഴുപത്തിഅയ്യായിരം രൂപാവരെയും സ്വകാര്യ വ്യവസായങ്ങൾക്കും സ്ഥാപനങ്ങൾക്കും അമ്പതിനായിരം രൂപാവരെയുമാണ് ധനസഹായം. ഈ വിഭാഗത്തിൽ ലോടെൻഷൻ ഉപഭോക്താക്കൾക്ക് പതിനായിരം രൂപാ വരെ കിട്ടും. ബി.ഇ.ഇ എനർജി ഓഡിറ്റർ,​ എനർജി മാനേജർ സർട്ടിഫിക്കേഷൻ പരീക്ഷ പാസായവർക്ക് പരമാവധി പതിനായിരം രൂപാ വരെയും സഹായം ലഭിക്കും. വിവരങ്ങൾക്ക്: www.keralaenergy.gov.in