തിരുവനന്തപുരം: സ്വാതന്ത്ര്യത്തിന്റെ എഴുപത്തഞ്ചാം വാർഷികത്തോടനുബന്ധിച്ച് കുടുംബശ്രീ അമ്പത് ലക്ഷം പതാകകൾ നിർമ്മിക്കും. ഓഗസ്റ്റ് പന്ത്രണ്ടിനകം സ്‌കൂളുകളിലും സർക്കാർ സ്ഥാപനങ്ങളിലും പതാകകളെത്തിക്കാനാണ് നിർദ്ദേശം. കുടുംബശ്രീക്ക് കീഴിലുള്ള മൂവായിരത്തോളം അംഗങ്ങൾ പതാക നിർമ്മാണം ആരംഭിച്ചു. നാഷണൽ ഫ്ളാഗ് കോഡ് പ്രകാരം 3:2 എന്ന നിയമാനുസൃത അളവിലാണ് പതാകയുടെ നിർമ്മാണം.ഏഴ് വ്യത്യസ്ത അളവുകളിലായാണ് പതാകകൾ നിർമിക്കുന്നത്. 20 മുതൽ 120 രൂപ വരെയാണ് വില. ഓഗസ്റ്റ് 13 മുതൽ വീടുകളിലും സർക്കാർ സ്ഥാപനങ്ങളിലും പതാകകൾ എത്തിക്കും.