ജൂലായ് 20 മുതൽ തുടങ്ങുന്ന ഒന്നാം വർഷ ഫാം.ഡി പോസ്റ്റ് ബേസിക് ഡിഗ്രി സപ്ലിമെന്ററി പരീക്ഷയ്ക്ക് ജൂലായ് നാല് വരെ ഓൺലൈനായി രജിസ്റ്റർ ചെയ്യാം. സൂപ്പർഫൈനോടെ ജൂലായ് എട്ട് വരെയും അപേക്ഷിക്കാം.
ജൂലായ് 25ന് തുടങ്ങുന്ന രണ്ടാം വർഷ എം.എസ്സി, എം.എൽ.ടി ഡിഗ്രി സപ്ലിമെന്ററി പരീക്ഷക്ക് ജൂലായ് 5 വരെ ഓൺലൈനിൽ രജിസ്റ്റർ ചെയ്യാം. സൂപ്പർഫൈനോടുകൂടി ജൂലായ് 11 വരെയും അപേക്ഷിക്കാം.
ജൂലായ് 18 മുതൽ ആഗസ്റ്റ് ഒന്ന് വരെയുള്ള തിയതികളിലായി നടത്തുന്ന രണ്ടാം വർഷ എം.എ.എസ് എൽ. പി ഡിഗ്രി സപ്ലിമെന്ററി തിയറി പരീക്ഷാടൈംടേബിൾ പ്രസിദ്ധീകരിച്ചു.
ജൂലായ് 18 ന് നടത്തുന്ന എം.ഡി.എസ് ഡിഗ്രി പാർട്ട് ഒന്ന് സപ്ലിമെന്ററി (2018 സ്കീം) എം.ഡി.എസ് ഓറൽ ആൻഡ് മാക്സിലോഫേഷ്യൽ സർജറി, എം.ഡി.എസ് ഓറൽ പാത്തോളജി ആൻഡ് മൈക്രോബയോളജി, എം.ഡി.എസ് കൺസർവേറ്റിവ് ഡെന്റിസ്ട്രി ആൻഡ് എൻഡോഡോൺടിക്സ്, എം.ഡി.എസ് ഓർത്തോഡോൺടിക്സ് ആൻഡ് ഡെന്റോഫേഷ്യൽ ഓർത്തോപീഡിക്സ്, എം.ഡി.എസ് ഓറൽ മെഡിസിൻ ആൻഡ് റേഡിയോളജി തിയറി പരീക്ഷാടൈംടേബിൾ പ്രസിദ്ധീകരിച്ചു.
ഒന്നാം സെമസ്റ്റർ പി.ജി ക്ലാസുകൾ
30 മുതൽ
കൊച്ചി: ശ്രീ ശങ്കരാചാര്യ സംസ്കൃത സർവകലാശാലയിലെ ഒന്നാം സെമസ്റ്റർ പി.ജി ക്ലാസുകൾ 30ന് തുടങ്ങും. പി.ജി. പ്രവേശനത്തിന്റെ രണ്ടാംഘട്ട അലോട്ട്മെന്റ് 25ന് പ്രസിദ്ധീകരിക്കും. രണ്ടാംഘട്ട അലോട്ട്മെന്റിൽ തിരഞ്ഞെടുക്കപ്പെട്ട വിദ്യാർത്ഥികൾ 27, 28 തീയതികളിൽ പ്രവേശന നടപടികൾ പൂർത്തീകരിക്കണം. പ്രവേശനം ലഭിച്ചവരുടെയും ഒഴിവുളള സീറ്റുകളുടെയും വിവരങ്ങൾ 30ന് വൈകിട്ട് അഞ്ചിന് മുമ്പായി സർവകലാശാല വെബ്സൈറ്റിൽ പ്രസിദ്ധീകരിക്കും.
കെൽട്രോൺ കോഴ്സ് അപേക്ഷിക്കാം
തിരുവനന്തപുരം: കെൽട്രോൺ തിരുവനന്തപുരം, കോഴിക്കോട് നോളഡ്ജ് സെന്ററുകളിൽ സർക്കാർ അംഗീകൃത ഐ.ടി. ഇന്റേൺഷിപ്പ് പ്രോഗ്രാമിന് ഡിപ്ലോമ/ ഡിഗ്രിയുള്ളവർക്കും പഠിക്കുന്നവർക്കും അപേക്ഷിക്കാം. തിരുവനന്തപുരത്ത് ആയുർവേദ കോളേജിന് എതിർവശത്തുള്ള കെൽട്രോൺ നോളഡ്ജ് സെന്ററിലും കോഴിക്കോട് റെയിൽവേ സ്റ്റേഷൻ ലിങ്ക് റോഡിലെ നോളഡ്ജ് സെന്ററിലും വിശദവിവരങ്ങൾ ലഭിക്കും. ഫോൺ: 9446987943, 8086691078.
എം.ബി.എ ജനറൽ, ടൂറിസം
ഗ്രൂപ്പ് ഡിസ്കഷൻ, ഇന്റർവ്യൂ 27, 28 തീയതികളിൽ
തിരുവനന്തപുരം: കേരളസർവകലാശാലയുടെ കാര്യവട്ടം കാമ്പസിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഒഫ് മാനേജ്മെന്റ് ഇൻ കേരളയിൽ (ഐ.എം.കെ) സി.എസ്.എസ് സ്കീമിൽ എം.ബി.എ ജനറൽ, ടൂറിസം കോഴ്സുകളിലേക്ക് അപേക്ഷിച്ചവർ ജൂൺ 27, 28 തീയതികളിൽ നടക്കുന്ന ഗ്രൂപ്പ് ഡിസ്കഷൻ, ഇന്റർവ്യൂ എന്നിവയ്ക്ക് എത്തണം. പുതുക്കിയ വിജ്ഞാപനത്തിന് സർവകലാശാലയുടെ അഡ്മിഷൻ പോർട്ടൽ www.admission.keralauniversity.ac.in വെബ്സൈറ്റ് സന്ദർശിക്കണം.
ഗവ. അംഗീകൃത കോഴ്സുകളിൽ
സൗജന്യപ്രവേശനവും ഫീസിളവും
തിരുവനന്തപുരം: റൂട്രോണിക്സിന്റെ ഏറ്റവും കൂടുതൽ തൊഴിൽ സാദ്ധ്യതയുള്ളതും വിവിധ പി.എസ്.സി നിയമനങ്ങൾക്ക് യോഗ്യവുമായ പി.ജി.ഡി.സി.എ, ഡി.സി.എ, ഡാറ്റാ എൻട്രി, കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിംഗ് (ജി.എസ്.ടി), ആട്ടോകാഡ് കോഴ്സുകൾക്ക് അപേക്ഷ ക്ഷണിച്ചു. സാങ്കേതിക വിദ്യാഭ്യാസ വകുപ്പിന്റെ അനുമതിയുള്ള കേരള സർക്കാർ അംഗീകാരമുള്ള കമ്പ്യൂട്ടർ ടി.ടി.സി, ഡി.ടി.പി, ഓഫീസ് ഒാട്ടോമേഷൻ, വെബ് ഡിസൈനിംഗ്, ഹാർഡ് വെയർ ആൻഡ് നെറ്റ് വർക്കിംഗ്, മൾട്ടിമീഡിയ, അനിമേഷൻ, ഗ്രാഫിക് ഡിസൈനിംഗ്, ബിൽഡിംഗ് ഡിസൈനിംഗ് (ആട്ടോകോഡ്) കോഴ്സുകൾക്കും റൂട്രോണിക്സ് അംഗീകൃത മൊബൈൽ ഫോൺ, സി.സി.ടി.വി ടെക്നിഷ്യൻ, ഇന്റീരിയർ ഡിസൈൻ, ഫാഷൻ ഡിസൈനിംഗ്, ബ്യൂട്ടീഷ്യൻ കോഴ്സുകൾക്കും അപേക്ഷിക്കാം. എസ്.സി, എസ്.ടി വിദ്യാർത്ഥികൾക്ക് കോഴ്സുകൾ സൗജന്യവും മറ്റു വിദ്യാർത്ഥികൾക്ക് 20 ശതമാനം ഫീസിളവുമുണ്ട്. എല്ലാ ജില്ലകളിലുമുള്ള റൂട്രോണിക്സ് പഠനകേന്ദ്രങ്ങൾ വഴിയാണ് പരിശീലനം. വിശദവിവരങ്ങൾക്ക്: 9072767005.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |