കൊച്ചി: ലക്ഷദ്വീപിലെ വികസന പ്രവർത്തനങ്ങൾക്കായി ഉടമകളുടെ അനുവാദമില്ലാതെ ഭൂമി ഏറ്റെടുക്കാൻ ശ്രമിക്കില്ലെന്ന് ലക്ഷദ്വീപ് അഡ്മിനിസ്ട്രേറ്ററുടെ അഡ്വൈസർ അറിയിച്ചു. സേവ് ലക്ഷദ്വീപ് ഫോറം ഭാരവാഹികൾ നടത്തിയ കൂടിക്കാഴ്ചയിലാണ് അദ്ദേഹം ഇക്കാര്യം പറഞ്ഞത്. രാത്രി കടകൾ അടയ്ക്കുന്ന സമയം നീട്ടി നൽകാനും ശനിയും ഞായറും തൊഴിലാളികൾക്ക് പ്രവർത്തിക്കാൻ അനുമതി നൽകാനും സമ്മതിച്ചതായും നേതാക്കൾ വ്യക്തമാക്കി. അഡ്മിനിസ്ട്രേറ്റർ പ്രഫുൽ ഖോഡ പട്ടേലിനെ കാണുന്നതിനുള്ള സൗകര്യം ഒരുക്കാമെന്നും അദ്ദേഹം നേതാക്കളെ അറിയിച്ചു. കോർകമ്മിറ്റി മെമ്പർമാരായ ഡോ.പി.പി .കോയ, യു.കെ.സി.തങ്ങൾ, ബി.ഹസൻ, ഡോ.സാദിഖ്, മുഹമ്മദലി എന്നിവരാണ് ഇന്നലെ അഡ്വൈസറെ കണ്ടത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |