തിരുവനന്തപുരം: ജീവനക്കാ‌രുടെ ലീവ് സറണ്ടർ തുക സർക്കാർ ഉത്തരവ് വരുന്നതുവരെ നൽകേണ്ടതില്ലെന്ന് ട്രഷറി ഓഫീസർമാർക്ക് ട്രഷറി ഡയറക്ടറുടെ നിർദ്ദേശം. ജൂൺ ഒന്നു മുതൽ ലീവ് സറണ്ടർ നൽകാമെന്നായിരുന്നു നവംബറിൽ സർക്കാരിന്റെ വാഗ്ദാനം. കഴിഞ്ഞ വർഷത്തെ ലീവ് സറണ്ടർ പി.എഫിൽ ലയിപ്പിച്ചത് ഈ ജൂൺ ഒന്നുമുതൽ തിരിച്ചുനൽകുമെന്നും വാഗ്ദാനം ചെയ്തിരുന്നു.

എന്നാൽ, സാമ്പത്തിക പ്രതിസന്ധി മൂലം ജൂണിലും നൽകാനിടയില്ലെന്നാണ് ഇപ്പോഴത്തെ സൂചന. ഇത് സംബന്ധിച്ച് ധനവകുപ്പിന്റെ ഉത്തരവോ വിശദീകരണമോ ഇതുവരെ വന്നിട്ടില്ല. ഒരു വർഷമുള്ള ലീവിൽ ഉപയോഗപ്പെടുത്താത്ത പരമാവധി 30 ദിവസത്തെ ലീവ് ആണ് സറണ്ടർ ചെയ്യാവുന്നത്. സാധാരണ ഗതിയിൽ അത് മാർച്ച് 31നകം സറണ്ടർ ചെയ്യണം.