SignIn
Kerala Kaumudi Online
Friday, 19 April 2024 8.56 PM IST

പ്രതിരോധ സാമഗ്രികൾക്ക് അമിത വില 28 സ്ഥാപനങ്ങൾക്കെതിരെ കേസെടുത്തു

ppe

തിരുവനന്തപുരം:പി.പി.ഇ.കിറ്റ്, പൾസ് ഓക്‌സിമീറ്റർ, ഗ്ലൗസ്, സാനിറ്റൈസർ തുടങ്ങിയവയ്ക്ക് അമിത വില ഈടാക്കുക, വില രേഖപ്പെടുത്താത്ത പായ്ക്കറ്റുകൾ വിൽക്കുക, ലീഗൽ മെട്രോളജി വകുപ്പിന്റെ ലൈസൻസില്ലാതെ ബി.പി.അപ്പാരറ്റസ്, ക്ലിനിക്കൽ തെർമോ മീറ്റർ തുടങ്ങിയവ വിൽക്കുക എന്നീ കുറ്റകൃത്യങ്ങൾ കണ്ടെത്തിയ 28 സ്ഥാപനങ്ങൾക്കെതിരെ ലീഗൽ മെട്രോളജി വകുപ്പ് കേസ് രജിസ്റ്റർ ചെയ്തു.

കൊവിഡ് പ്രതിരോധത്തിനാവശ്യമായ പതിനഞ്ച് ഇനം സാധനങ്ങൾക്ക് അവശ്യ സാധന നിയന്ത്രണ നിയമ പ്രകാരം പരമാവധി വില്പനവില നിശ്ചയിച്ച് സർക്കാർ ഉത്തരവ് പുറപ്പെടുവിച്ചിട്ടുണ്ടെങ്കിലും അതിനെക്കാൾ ഉയർന്ന വില ഈടാക്കുകയായിരുന്നു. അവശ്യസാധന നിയമ പ്രകാരം പരിശോധനടത്തുവാനും കേസ് രജിസ്റ്റർ ചെയ്യുവാനും ലീഗൽ മെട്രോളജി വകുപ്പിനെ കുടി ചുമതലപ്പെടുത്തിക്കൊണ്ട് സർക്കാർ വിജ്ഞാപനം പുറപ്പെടുവിച്ചിരുന്നു.

മെഡിക്കൽ ഷോപ്പുകൾ, സർജിക്കൽസ് എന്നിവ കേന്ദ്രീകരിച്ച് സംസ്ഥാന വ്യാപകമായി നടത്തിയ പരിശോധനയിലാണ് നിയമ ലംഘനങ്ങൾ കണ്ടെത്തിയത്. 120 സ്ഥാപനങ്ങളിൽ ഇന്ന് പരിശോധന നടത്തിയതായും വരും ദിവസങ്ങളിലും മിന്നൽപരിശോധനകൾ തുടരുമെന്നും ലീഗൽ മെട്രോളജി കൺട്രോളർ കെ.ടി.വർഗ്ഗീസ് പണിക്കർ അറിയിച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LEGAL METROLOGY
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.