ന്യൂഡൽഹി: സെപ്റ്റംബർ ഒന്നിന് തുടങ്ങാനിരുന്ന മെഡിക്കൽ പി.ജി കോഴ്സുകളിലേക്കുള്ള നീറ്റ് പി.ജി കൗൺസലിംഗ് നീട്ടി. പുതിയ തീയതി ഒൗദ്യോഗികമായി പ്രഖ്യാപിച്ചില്ല. സെപ്തംബർ മൂന്നാം വാരത്തിൽ കൗൺസലിംഗ് തുടങ്ങുമെന്നാണ് സൂചന. കോഴ്സുകളിൽ കൂടുതൽ സീറ്റുകൾ അനുവദിക്കുന്ന നടപടികൾ പൂർത്തിയാക്കുന്നതിനാണ് ഈ നടപടിയെന്ന് കേന്ദ്ര ആരോഗ്യമന്ത്രാലയം അറിയിച്ചു.
ഈ വർഷത്തെ പരീക്ഷ മേയ് 21നാണ് നടന്നത്. ജൂൺ 21ന് ഫലപ്രഖ്യാപനം പൂർത്തിയായി. 52,000 സീറ്റുകളിലേക്കാണ് ഈ വർഷം പി.ജി കൗൺസലിംഗ് നടത്താനിരുന്നത്.
നീറ്റ് പി.ജി പരീക്ഷ ജനുവരിയിൽ നടത്തി മാർച്ചിൽ കൗൺസലിംഗ് തുടങ്ങുന്നതായിരുന്നു പതിവെങ്കിലും കൊവിഡിൽ കഴിഞ്ഞ വർഷത്തെ പ്രവേശനം വൈകിയത് ഈ വർഷത്തെ നടപടികളെയും ബാധിക്കുകയായിരുന്നു.
ദേശീയ ക്വാട്ട സീറ്റുകൾ, സംസ്ഥാന മെഡിക്കൽ, ഡെന്റൽ കോളജുകൾ, കേന്ദ്ര, ഡീംഡ് യൂനിവേഴ്സിറ്റികൾ എന്നിവിടങ്ങളിലെ പ്രവേശനത്തിന് വിദ്യാർഥികൾക്ക് കൗൺസലിംഗിനിടെ ഇഷ്ടമുള്ള പഠനകേന്ദ്രങ്ങൾ തിരഞ്ഞെടുക്കാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |