തിരുവനന്തപുരം: കൊവിഡ് മഹാമാരിയിൽ ജനങ്ങൾ നട്ടംതിരിയുമ്പോഴും ഒരു കുലുക്കവുമില്ലാതെ പെട്രോളിന്റെയും ഡീസലിന്റെയും വില നിത്യേന കൂട്ടുന്ന കേന്ദ്ര നടപടിക്കെതിരെ അതിശക്തമായ പ്രതിഷേധം ഉയർന്നുവരണമെന്ന് സി.പി.എം സംസ്ഥാന സെക്രട്ടറിയുടെചുമതലയുള്ള എ.വിജയരാഘവൻ പറഞ്ഞു. പ്രീമിയം പെട്രോളിന്റെ വില കേരളത്തിൽ ലിറ്ററിന് നൂറുരൂപ കടന്നിരിക്കുകയാണ്. ഈ നില തുടർന്നാൽ സാധാരണ പെട്രോളിന്റെയും ഡീസലിന്റെയും വില ദിവസങ്ങൾക്കുള്ളിൽ നൂറുകടക്കും. കഴിഞ്ഞ 37 ദിവസത്തിനുള്ളിൽ 21 തവണയാണ് ഇന്ധനവില കൂട്ടിയത്. തങ്ങൾ എന്തും ചെയ്യും, ആരും ചോദ്യം ചെയ്യരുതെന്ന നരേന്ദ്രമോദി സർക്കാരിന്റെ ധിക്കാരമാണ് ഇതിന് പിന്നിൽ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |