ന്യൂഡൽഹി: ഇന്ധന വിലവർദ്ധനയ്ക്കെതിരെ ഏപ്രിൽ 2 ന് രാജ്യവ്യാപകമായി പ്രതിഷേധം സംഘടിപ്പിക്കാൻ സി.പി.എം കേന്ദ്ര കമ്മിറ്റി തീരുമാനം. പെട്രോളിയം സെസ് ഉടൻ പിൻവലിക്കണമെന്ന് പാർട്ടി ജനറൽ സെക്രട്ടറി സീതാറാം യെച്ചൂരി ആവശ്യപ്പെട്ടു. 23-ാം പാർട്ടി കോൺഗ്രസിൽ അവതരിപ്പിക്കേണ്ട രാഷ്ട്രീയ സംഘടനാ റിപ്പോർട്ടിന്റെ കരടിന് കേന്ദ്ര കമ്മിറ്റി അംഗീകാരം നൽകിയതായി അദ്ദേഹം പറഞ്ഞു.

കഴിഞ്ഞ 6 ദിവസത്തിനിടെ 5 തവണയാണ് പെട്രോൾ, ഡീസൽ വില വർദ്ധിച്ചത്. ഇതോടൊപ്പം പാചകവാതകത്തിനും മറ്റ് പെട്രോളിയം ഉല്പന്നങ്ങൾക്കും വില വദ്ധിച്ചു. അവശ്യസാധനങ്ങളുടെ വില കുതിച്ചുയരുകയാണ്. ഏപ്രിൽ 2 ന് എല്ലാ പാർട്ടി യൂണിറ്റുകളും വിലക്കയറ്റത്തിനെതിരെ പ്രതിഷേധം സംഘടിപ്പിക്കും.