തിരുവനന്തപുരം: കേന്ദ്ര സഹമന്ത്രി വി. മുരളീധരനെതിരെ വീണ്ടും പരിഹാസവുമായി മുഖ്യമന്ത്രി പിണറായി വിജയൻ. മെഗാ വാക്സിനേഷൻ ക്യാമ്പുകൾ അശാസ്ത്രീയമാണെന്നും അവയൊക്കെ രോഗവ്യാപന കേന്ദ്രങ്ങളാകുമെന്നുമുള്ള മുരളീധരന്റെ ആക്ഷേപം വാർത്താലേഖകർ ശ്രദ്ധയിൽപ്പെടുത്തുകയായിരുന്നു. "അതിനൊക്കെ പ്രതികരിക്കാൻ പോയാൽ അന്തരീക്ഷം തന്നെ വല്ലാതെ വഷളാകും. ആ പറഞ്ഞതിന്റെ നിലവാരത്തിലാവണമല്ലോ പ്രതികരിക്കേണ്ടത്"- മുഖ്യമന്ത്രി പറഞ്ഞു.
വാക്സിനേഷന് വലിയ തോതിൽ ആളുകൾ മുന്നോട്ട് വരുന്നുണ്ട്. നമ്മുടെ പ്രശ്നം ആവശ്യത്തിന് വാക്സിൻ സ്റ്റോക്കില്ലാത്തതാണ്. അത് കേന്ദ്രം നൽകേണ്ടതാണ്. അതിൽ നിന്ന് ശ്രദ്ധ തിരിച്ചുവിടാൻ മറ്റെന്തെങ്കിലും പറയുന്നത് ശരിയല്ല- മുഖ്യമന്ത്രി വ്യക്തമാക്കി.
കഴിഞ്ഞ ശനിയും ഞായറുമുണ്ടായ അതേ നിയന്ത്രണം വോട്ടെണ്ണൽ നടക്കുന്ന ഞായറാഴ്ചയും ഉണ്ടാകുമെന്ന് മുഖ്യമന്ത്രി വ്യക്തമാക്കി. അതിനോടൊപ്പമാണ് വിജയിച്ച ശേഷമുള്ള ആഹ്ലാദപ്രകടനങ്ങൾ വേണ്ടെന്ന് രാഷ്ട്രീയപാർട്ടികൾ തീരുമാനിച്ചത്.വോട്ടെണ്ണൽകേന്ദ്രങ്ങളിൽ ആളുകൾ തടിച്ചുകൂടരുതെന്നും മുഖ്യമന്ത്രി പറഞ്ഞു.
-
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |