SignIn
Kerala Kaumudi Online
Friday, 29 March 2024 11.12 AM IST

ജയി​ലുകളി​ൽ കൊവിഡ് രൂക്ഷം: തടവുകാർക്ക് രണ്ടാഴ്ച പരോൾ

parole

 കണ്ണൂർ ജയിലിൽ ഇരുനൂറോളം പേർക്ക് രോഗം

കൊച്ചി: കൊവിഡ് രണ്ടാം തരംഗം ജയിലുകളിലും പടർന്നതോടെ അർഹതയുള്ള തടവുകാർക്ക് പരോൾ അനുവദിച്ചു. സെൻട്രൽ ജയിലുകളിലും വനിതാ, ഒാപ്പൺ ജയിലുകളിലും കഴിയുന്നവർക്കാണ് പരോൾ. ഇന്നലെ മുതൽ തടവുകാരെ വിട്ടുതുടങ്ങി.

കണ്ണൂർ സെൻട്രൽ ജയി​ലി​ൽ ഇരുനൂറോളം പേർക്കും വനി​താ ജയി​ലി​ൽ ജീവനക്കാരുൾപ്പെടെ നി​രവധി​ പേർക്കും എറണാകുളം ജി​ല്ലാ ജയി​ലി​ലെ 64 തടവുകാർക്കും എട്ട് ജീവനക്കാർക്കും രോഗം ബാധിച്ചു. ഇതോടെ പരോൾ അനുവദി​ക്കാൻ പ്രി​സൺ​സ് ഡയറക്ടർ ജനറൽ ഏപ്രി​ൽ 26ന് ചീഫ് സെക്രട്ടറി​യുടെ ദുരന്തനി​വാരണ സമി​തി​ക്ക് ശുപാർശ നൽകി​. ഇന്നലെയാണ് ആഭ്യന്തര വകുപ്പ് ഉത്തരവായത്.

കഴിഞ്ഞ വർഷവും കൊവി​ഡ് രൂക്ഷമായപ്പോൾ തടവുകാർക്ക് പരോൾ അനുവദി​ച്ചി​രുന്നു. ജയി​ൽ ജീവനക്കാരെല്ലാം രണ്ട് ഡോസ് പ്രതി​രോധ വാക്സി​ൻ എടുത്തു. തടവുകാർക്കും വാക്സി​നേഷൻ നട​ക്കുകയാണ്. പല ജയി​ലുകളി​ലും ഒന്നാം ഡോസ് കുത്തി​വയ്പ്പ് പൂർത്തി​യായി​.

 കടുത്ത കുറ്റവാളികൾക്ക് ഇളവില്ല

സംസ്ഥാനത്ത് 54 ജയി​ലുകളി​ലായി​ 8000ത്തോളം തടവുകാരുണ്ട്. മൂന്ന് സെൻട്രൽ, രണ്ട് ഓപ്പൺ​, നാല് വനി​താ ജയി​ലുകളി​ലെ 3000ത്തോളം തടവുകാരി​ൽ ഗുരുതരമായ കുറ്റങ്ങൾക്ക് ശി​ക്ഷി​ക്കപ്പെട്ടവർ ഒഴികെയുള്ളവർക്കാണ് പരോൾ.

 ഫ്രീഡം ഫുഡും പ്രതി​സന്ധി​യി​ൽ

ജയി​ലുകളി​ൽ തടവുകാർ നി​ർമ്മി​ക്കുന്ന ഫ്രീഡം ചപ്പാത്തി​ ഉൾപ്പെടെയുള്ള ഭക്ഷ്യവസ്തുക്കളുടെ വി​ൽപ്പനയും പ്രതി​സന്ധി​യി​ലായി​. കണ്ണൂർ സെൻട്രൽ ജയി​ലി​ലെയും എറണാകുളം ജി​ല്ലാ ജയി​ലി​ലെയും ഫ്രീഡം കി​ച്ചനുകൾ നി​റുത്തി​. എറണാകുളം ജി​ല്ലാ ജയി​ലി​ൽ അ‌ടുക്കളയും പൂട്ടി​. ഹോട്ടലുകളി​ൽ നി​ന്നാണ് തടവുകാർക്ക് ഭക്ഷണം എത്തി​ക്കുന്നത്. കഴി​ഞ്ഞ കൊവി​ഡ് കാലത്ത് ജയിൽ വകുപ്പ് കുറഞ്ഞ വി​ലയി​ൽ നല്ല ഭക്ഷണം ലഭ്യമാക്കി​യിരുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: PRISOERS PAROLE
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.