കാസർകോട്: ചെങ്കൽ ക്വാറി ഉടമകളിൽ നിന്ന് ലക്ഷങ്ങൾ കൈക്കൂലി വാങ്ങിയ ഡെപ്യൂട്ടി കളക്ടർക്ക് സസ്പെൻഷൻ. കാസർകോട് എൻഡോസൾഫാൻ സ്പെഷ്യൽ സെൽ ഡെപ്യൂട്ടി കളക്ടർ എസ്. സജീദിനെയാണ് സസ്പെൻഡ് ചെയ്തത്. നെട്ടണിഗ, നാട്ടക്കൽ ഭാഗത്ത് പ്രവർത്തിക്കുന്ന ക്വാറി ഉടമകളിൽ നിന്നും ഔദ്യോഗികവാഹനത്തിൽ താൽക്കാലിക ഡ്രൈവറുടെ സഹായത്തോടെ പണം പിരിച്ചുവെന്ന പരാതിയിൽ എ.ഡി.എമ്മിന്റെ അന്വേഷണറിപ്പോർട്ടിന്റെ അടിസ്ഥാനത്തിലാണ് നടപടി. കാസർകോട് ആർ.ഡി.ഒ, ഡെപ്യൂട്ടി കളക്ടർ എന്നിവർക്ക് നൽകാനാണെന്ന് പറഞ്ഞ് രണ്ട് ലക്ഷത്തിലധികം രൂപ പിരിച്ചതായി റവന്യൂമന്ത്രിക്ക് പരാതി ലഭിച്ചിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |